Ovakuendye no Vafikuena Vapula Okuti: Oityi Mandyilingi Nomuenyo Wange? (Onthele 1)
Putyina ovakuendye vaenda nokukula, vena okulinga omatokolo akolela. Pala okuvekuatesako, vapongiyilwa ovideo Os Jovens Perguntam—O Que Fazer da Minha Vida?. Tyina uhimbika okutala o DVD oyo, holovona pana pati “Iniciar o Drama” iya otale inkha upondola okukumbulula omapulo ekahi po palagalafu 2. Konyima holovona pana pati “Entrevistas,” tyina ove uhimbika okutala o DVD, oholovona pana pati “Relembrando,” iya okumbulula omapulo o palagrafu 3.
O Drama: (1) Oñgeni ononkhalelo mbo vakuendye novafikuena ovanyingi Ovakristau hono mbelifwa no ya Timoteo? (2) Oñgeni Andele ahongiliyilwe okukala omuhateki wavilapo? (3) Oityi Omukuatate Flaisik apopila Andele konthele (a) yokulipakula ku Jeova, nokulipakula kokuhateka? (Mat. 6:24) (b) Opi kutunda ehambu liotyotyili? (c) Oityi etisela liae liomokaleya liemuhinangelesa? (d) Iya ovanthu vekahi nae nomukai wae polutalatu vemuhinangelesa tyi? (e) Ankho oe welivela mokonda yovipuka ahandele asapo? (Fil. 3:8) (4) Oñgeni ina kulu akumbulula Andele etyi ati: “Okuti tyapenga okuhanda okukala omunthu wankhimana kokuhateka?” (Luc. 4:5-7) (5) Okuti okuhateka ankho makuetela umwe Andele ehambu liotyotyili? (6) Oityi ove wapanda momukanda wahulilila Omukuatate Flaisik ahonekela Andele? (Pro. 10:22) (7) Omukuatate Flaisik wakuatesako Andele okuimbuka tyi?
Relembrando: (8) Ovilinga patyi ovakuatate no nomphange ankho vaovola, iya omokonda yatyi? (9) Ouwa patyi vena momuenyo wavo? (10) Oityi tyapilulula olusoke lwa kese umwe konthele yovipuka vahandele? (2 Cor. 5:15) (11) Ovilinga patyi via Huku viapinga pu vina vahandele? Omokonda yatyi vasokela okuti kavapondola okuovola ovipuka vivali? (12) Okuti velivela mokonda yetyi vapilulula olusoke luavo konthele yetyi ankho vahanda? (13) Oityi vapopia tyikukuatesako haunene okusoka oityi molingi nomuenyo wove?
Mbambavo tala omapulo omakuavo no nonthele ononkhuavo mbayawisuako, iya olipongiya nawa opo wave omakumbululo etyi mambulilongeswa mokueenda Kueliongiyo Liovilinga mosimano mailandulako.