O Site Yetu Yetavelwa—Yalingwa Opo Ikuateseko Onthwe Navakuetu
Jesus wetuavela otyilinga tyokuivisa onondaka onongwa Mbouhamba “kombanda yoohi aiho, pala oumbangi momalongo aeho.” (Mat. 24:14) Opo tufuisepo nawa otyilinga otyo o watchtower.org, no jw-media.org, no jw.org mbahonyekwa ambukala o site jw.org.—2 Tim. 4:5.
“Kombanda Yohi Aiho”: Ovanthu ovanyingi mouye auho vaundapesa o Internete. Ovanyingi omo vaovola onondonga haunene ovakuendye. O site yetu yaava omakumbululo Ombimbiliya aviuka ku vana vaundapesa o Internete. O site ipopia konthele yeongano lia Jeova nokukuatesako vana vahanda okulilongesa Ombimbiliya pomaumbo avo otyali. Otyo tyikuatesako okutuala onondaka onongwa kovilongo kuna ovanthu veheneive onondaka Mbouhamba.
“Momalongo Aeho”: Opo tutyivile okuava oumbangi “momalongo aeho” otyili tyo Mbimbiliya tyina okupopiwa momalaka elikalaila. Vana vanyingila mo jw.org vavasamo onondonga momalaka ehika 400, omanyingi vali tyipona mono site ononkhuavo.
Yuundapesa Nawa: O site jw.org kayalingilwe vala pala okuava oumbangi ku vana vehelilongesa. Otyiti tyalingwa opo tyiundapeswe no Nombangi mba Jeova. Inkha ove undapesa o Internete, tukuavela ondundo unyingile mo jw.org. Pombuelo pena onondonga mbupopia oñgeni yundapeswa.
[Onodiagrama pefo 3]
(Onondaka mba onganekua nawa, tala momukanda)
Linga Ñga
1 Tyina wamaikula o Internete mo komputadole yove honekamo www.jw.org opo unyingilemo.
2 Noñgonoka o site pokumanga ponondaka mbukahi pombanda, nombokuati konthyimbi, omange pana pena otyivala ondyingole.
3 Hetekela okuundapesa o jw.org mo Internete yo telefone yove. Pamwe efo lilikalela katutu, mahi onondaka otyilike.