O Site Yetu Yetavelwa—Yundapesa Movilinga Viove Viokuivisa
Avela Ondundo Ovanthu opo vaundapese Site: Ovanthu ovanyingi kavahande okutomphola nonthue ine okutavela omikanda vietu mahi pamwe vahanda okunoñgonoka konthele Yonombangi mba Jeova okuovola mo jw.org tyina vekahi peumbo. Popila apeho vakuenyi konthele yo site.
Okumbululwa Omapulo: Pamwe omunthu wesuka ine omunthu umwe twii utupula konthele Yonombangi mba Jeova ine omatavelo etu. Mulekesa ekumbululo mo telefone ine omo komputadole. Otyiwa apeho tyina ukumbulula omunthu mutange Mombimbiliya. Inkha ove utupu o Internete, hangununa oñgeni omunthu apondola okuundapesa o jw.org opo avasemo omakumbululo ae.—Manga po “Omalongeso Ombimbiliya/Omapulo Nomakumbululo Ombimbiliya” ine “Omatavelo etu/Omapulo Alingwa Apeho.”
Tumikisa Onthele Ine Omukanda Komunthu Wii: Polamo o PDF ine o EPUB omutumu yo mo e-mail yae. Ine upolamo ono video nomikanda mo CD. Kese tyikando utumikisa omukanda omunthu uhenembatisalwe, ine ombrochula upondola okuvalula. Omikanda kavipondola okutumwa kovanthu tuhei. Tupu kavipondola okupakwa nono site ononkhuavo mo Internete.—Manga pana pati “Publicações, Ine omikanda.”
Mulekesa Etyi Tyipita Mouye Konthele Yonombangi mba Jeova: Otyo matyikuatesako omulongwa Wombimbiliya novanthu ovakuavo okupanda ovilinga vietu mouye auho newaneko pokati ketu. (Sal. 133:1)—Manga pana pati “Etyi Tyipita Mouye”.
[Onodiagrama pefo 5]
(Onondaka mba onganekua nawa, tala momukanda)
Linga Ñga
1 Pana pahonekwa “Publicações” ine omikanda, movahipo evi uhanda, omange pomukanda uhanda oupolopo ine outehelela.
2 Manga po MP3 maikulekesa omutete wononthele. Manga posapi yomukanda uhanda okupolamo ine ▸ okutehelela.
3 Holovona elaka liomukanda uhanda okupolamo pomutete womalaka