“Kalei Nohole Novakuatate Ouye Auho”
Onondaka ombo posapi mbahonekwa omanima 2000 okulamba. (1 Ped. 2:17) Mahi tuna okuundapesa unene onondaka ombo hono tyipona kohale! Oñgeni matukala nohole novakuatate vetu ouye auho? Iya mouye uno muhena ohole, oñgeni tupondola okukala nonthumbi yokuti ohole yetu kaikahi nokutepuluka? (Mat. 24:12) Opo utyivile okukumbulula omapulo maalandulako tala ovideo Nossa Associação Inteira de Irmãos (Kalei Nohole Novakuatate Ouye Auho).
(1) Onalupi tuanyingila mombunga yovakuatate ouye auho? (2) Ovipuka patyi vitatu vilingwa novakuatate ouye auho? (3) Oñgeni ovakuatate vetu valekesa okuti vatokola okuivisa (a) monohika ononene mbo Alaska, (b) pana patalama onombapolo mo Europa, (c) nomonohika mbo Peru? (4) Omokonda yatyi tuhapondola okusoka okuti okuava oumbangi otyilinga vala? (5) Popiapo onongeleka mbulekesa okuti Onombangi mba Jeova velipameka nokulikuatesako tyina pamoneka (a) ovinimanwe, (b) nomafindya, (c) novita? (6) Omononkhalelo patyi mbaviuka tupondola okulekesa etyi tyituimbukisa okuti tuvakuatate ouye auho? (João 13:35) (7) Ouwa patyi utundilila kokuundapa kumwe pokutunga Onondyuo Mbomaliongiyo? (8) Oñgeni ovakuatate vetu koutundilo wo Europa no Russia vetyivila okukoleleya etyi ankho vamoneswa ononkhumbi? (9) Ononkhono patyi onombangi ononyingi valinga opo vende kovionge ovinene iya omokonda yatyi? (10) Oñgeni ovideo ei ipameka etokolo liove (a) liokufenda Jeova momaliongiyo kumwe novakuatate vetu, (b) liokukuatesako vakuetu tyina vamona ononkhumbi, (c) liokuivisa apeho no mononkhalelo ambuho? (11) Oñgeni nonalupi tupondola okuundapesa ovideo ei movilinga viokuivisa?
Ehunga tuna liavilapo tuliwanekela novakuatate vetu ouye auho, ohole tuna na Jeova. Ngotyo tutyihole okulilongesa konthele yae nokulongesa vakuetu konthele yae. Tupu tuhole ovanthu Jeova ehole. Tyina tuvekuatesako pomuvo wovitateka, katukevela Huku etupandule. Mahi, tupandula Huku mokonda tutala ovakuatate vetu Ovakristau ngotyawa etuavela. Tyina ononthiki mbuno mbonthyulilo mouye wovanthu vehena ohole ukahi nokupwa, onthwe tutualako okulekesa ohole kovakuatate vetu ouye auho!