Okuti Noove Upondola Okukonga Vakuenyi?

Momawaneno omanyingi muna ovaivisi vahaundapa unene movilinga viokuivisa mokonda yokuvela ine okuakulupa. (2 Cor. 4:16) Okuti upondola okukonga umwe ukahi motyitateka ngotyo opo muende nae kovalongwa vove Vombimbiliya? Inkha omuivisi ketyivili okutunda meumbo, hamwe upondola okupopila omulongwa opo mukalingile meumbo liae. Okuti pamwe-pamwe upondola okuenda nomuivisi uvela pomaumbo ehehi ine okukatalelapo omunthu wike ine vevali? Ovaivisi vamwe vokuakulupa vena ounongo unene movilinga viokuivisa. Anthi, ononkhono ulinga havo vala mokuatesako, nove matyikuetela ouwa. (Rom. 1:12) Tupu, ononkhono ulinga mbokulekesa ohole monkhalelo oyo mambuyambwa na Jeova.​—Pro. 19:17; 1 João 3:17, 18.