Onondaka Mbouhamba No. 38 Maiyawa mu Kuhuhu!
1. Omapulo patyi ovanthu vena konthele yo vokuankhia, iya oñgeni maakumbululwa mu Kuhuhu?
1 Ononkhia ondyale yovanthu aveho, namphila vena omatavelo avo. (1 Cor. 15:26) Ovanyingi velipula opi vokuankhia vekahi no onkho vapondola okulimona vali navo. Ngotyo, omawaneno ouye auho mayandyaneka movanthu Onondaka Mbouhamba no. 38, ina osapi yati: Okuti Tyotyili Vokuankhia Vapondola Umwe Okututila? Otyilinga otyo tyakolela matyihimbika mu 1 ya Kuhuhu. Tyina ononthiki mbokuava Onondaka Mbouhamba No. 38, mbamapu maiyawa movilinga viokuivisa kumwe nono tratadu ononkhuavo.
2. Otratadu Onondaka Mbouhamba No. 38, Oñgeni yalingwa?
2 Oñgeni Yalingwa: Onondaka Mbouhamba No. 38 yalingwa monkhalelo itavela okuivandeka moule kotyipala akukala osapi ina onondaka mbungwangwanesa mbati: Okuti mokumbulula okuti . . . eenga? au? hamwe? Tyina omunthu aikula otratadu oyo matale oñgeni Ombimbiliya yakumbulula omapulo oo nomilao omiwa Viombimbiliya vipondola okumuhabukiswa. Tupu omokonda yatyi apondola okutavelela etyi Ombimbiliya ipopia. Konyima yo tratadu kuna epulo limwe ewa limukuatesako okusokolola nokumukonga opo elilongese vali.
3. Oñgeni Onondaka Mbouhamba No. 38 maiyawa?
3 Oñgeni Mayaawa?: Otyilinga otyo tyokuava matyilingwa ngetyi tulinga pokuava omukanda wokukonga ovanthu veye Kehinangelo lia Tatekulu ine oko tyonge tyononthiki ononthatu. Ovakulu vewaneno mavapopi ñgeni otelitoliu yenyi mayundapwa aiho, ngetyi tyapopia omukanda tuatambula wa 1 Tyikukutu yo 2013. Omawaneno okuna otelitoliu ihehi apondola okukuatesako omawaneno ekahi popepi. Tyina wamatambula Onondaka Mbouhamba No. 38, hinangela okuti tuesukisa okutyinda vala mbuna matukaundapesa mosimano ike. Tyina tuamamane okuava otratadu oyo momaumbo aeho potyilongo tyetu, pahe tupondola okuyavela kese munthu tuvasa. Inkha otratadu oyo mewaneno yapuamo tyina nkhele ohanyi ihenepwe, mupondola okuava omukanda omukuavo wapopiwa. Motyasapalo tyotete, haunene matulingi otyilinga otyo tyokuava otratadu tyipona okuhimbika okulongesa ovanthu Ombimbiliya. Tyina tuava otratadu konthyulilo yosimano, tupu tupondola okuava Omutala Womulavi no Despertai! inkha tyitavela. Waonganekale atyiho opo uundape unene motyilinga otyo tyokuava Onondaka Mbouhamba?