Vekuatesako opo “Vapame Mekolelo”

Tyihambukiswa okutala oñgeni Jeova ekahi nokukuayaukisa ovilinga viokuteya, menima like ovanthu valamba ponomiliau ononkhuana vambatisalwa. (Deut. 28:2) Tyina omuivisi amakuatesako omulongwa alo ambatisalwa, ovikando ovinyingi kesuku vali nokutualako okumulongesa, usukalala vali nokulongesa vakuavo. Omulongwa tupu nae kesuku vali nokutualako okulongeswa, mokonda uhanda okuundapa vali movilinga viokuivisa. Mahi, tyakolela ovalongwa vanoñgonoke nawa otyili. Vesukisa okukala “nomii” mu Kristu “nokuapama mekolelo.” (Col. 2:6, 7; 2 Tim. 3: 12) Tyina omulongwa amambatisalwa, wesukisa okutualako okulongeswa Ombimbiliya alo amana okulongeswa omikanda vivali, Ombimbiliya Ilongesa no wokuati “Ohole ya Huku.”—Tala Ovilinga Vietu Viouhamba via Tyikukutu yo 2011 pefo 2.