Omalekeso Ehepuiya

Okuhimbika Okulongesa Ovanthu Ombimbiliya Motyasapalo Tyotete mu Hitandyila

“Ovanthu ovanyingi vena omalusoke elikalela konthele Yombimbiliya. Vamwe vetavela okuti Ondaka ya Huku, namphila ovakuavo vasoka okuti omukanda walingua vala novanthu. Oityi ove usoka konthele Yombimbiliya?” Yeka omunthu akumbulule. Lekesa onthele ikahi pefo liahulilila Momutala Womulavi 1 wa Hitandyila amulilongesa onondaka mbukahi pepulo liotete notestu ike pumbuna mbukahipo. Ava Omutala Womulavi no Despertai! amulilae onalupi moya okulilongesa vali nae epulo ekuavo.

Omutala Womulavi 1 ya Hitandyila

“Ovanthu ovanyingi vahanda ñgeno ovilwa vipuako. Usoka okuti tyotyili nthiki imwe mouye auho mamukala ombembwa? [Yeka omunthu akumbulule.] Tala etyi Ovihonekwa vilaa. [Tanga Salmo 46:9.] Ovipuka aviho viamoneka mokueenda Kuovita Viotete Viouye Auho, novikuavo vali viakuamako vitukalesa nonthumbi yokuti apa katutu Huku makafuisapo omulao wae wokumanako ovilwa. Omukanda ou utyihangununa.”

Despertai! de Fevereiro

“Tukahi nokutalelapo ovanthu pala okuhipulula tyahasete konthele yotyitateka tyimwe tyakaka. Tyimoneka ngoti ovanthu vetupu omuvo utuuka pala okulinga ovipuka aviho. Usoka okuti tutupu omuwo mokonda tulinga ovipuka ovinyingi ine omokonda katuundapesa nawa omuwo wetu? [Yeka omunthu akumbulule.] Ovanthu ovanyingi kavetyii okuti Ombimbiliya ina onondonga mbutukuatesako okuundapesa nawa omuvo wetu. Ongeleka imwe oyei. [Tanga Filipenses 1:10a.] Omukanda ou upopia ovipuka vikuana viakuatesako ovanthu ovanyingi okuundapesa omuvo wavo nonondunge.”