Omalekeso Ehepuiya

Okuhimbika Okulongesa Ovanthu Ombimbiliya Motyasapalo Tyotete mu Tyitalale

“Tueya okukutalelapo mokonda yotyipuka tyimwe matyilingwa 14 ya Tyikukutu. Oyo onthiki yehinangelo liononkhia mba Jesus. Ovanthu vamwe vahinangela onthiki oyo mokonda vetyii okuti ononkhia mba Jesus mbakolela. Ovakuavo vetupu onthumbi yehangununo liononkhia mba Jesus. Ove utavela okuti ononkhia mba Jesus mambutuetela ouwa nove na ame?” Yeka omunthu akumbulule. Lekesa ekumbululo onthele ikahi pefo liahulililako Momutala Womulavi wa 1 ya Tyitalale, amupopi konthele yonondaka pombuelo yepulo liotete notestu yahulililako. Omuavela omukanda oo, amulilae onthiki mamuya okulilongesa epulo ekuavo.

Omutala Womulavi 1 ya Tyitalale

“Ovanthu ovanyingi velipula omokonda yatyi Huku ahamaneko ovivi nononkhumbi. Ove usoka okuti omokonda Huku kesukile nonthwe ine omokonda uhanda ovanthu vamone ononkhumbi? [Yeka omunthu akumbulule. Tanga João 3:16.] Namphila ovanthu ovanyingi vapopia otestu oyo pala okulekesa okuti Huku wesuka nonthwe, ovo vetupu onthumbi yokuti ononkhia mbomona wa Huku hono mbuvetala ouwa. Omukanda ou ulekesa oñgeni ononkhia mba Jesus mbuikula ondyila opo ovivi nononkhumbi vipueko.”

Despertai! de Março

“Tueya okukutalelapo opo tuyandyulule olusoke lumwe luhaviukile ovanthu vamwe vena konthele yo versikulu ei Yombimbiliya. [Tanga Gênesis 1:1.] Vamwe vetavela okuti ouye watungwa mahi vamwe kavetavela. Ove oityi konthele yotyo? [Yeka omunthu akumbulule.] Ovanyingi kavetavela okuti ouye watungwa mokonda yononkhalamutwe valongesa etyi Ombimbiliya yahapopile. Omukanda ou uhangununa monkhalelo yayandyuluka nokuaviuka onthyimbi youye.”