Onkhalelo Ihambukiswa Yono Tratadu Onomphe!
1. Oviti patyi pala okuivisa vialingwa monkhalelo ihambukiswa?
1 Motyonge tyononthiki ononthatu 2013 “Ondaka Ya Huku Otyili!” muawa onotratadu ononthano onomphe. Tupu, otratadu “Onondaka Mbouhamba 38 yokuati: “Okuti Tyotyili Vokuankhia Vapondola Umwe Okututila?” yayawiswa kono tratadu ombo. Ambuho epandu mbuna onkhalelo omphe ihambukisa okumbuava. Oityi mbalingilwa monkhalelo oyo? Tyina tuivisa umbo na umbo, oñgeni tupondola okumbuundapesa nawa monkhalelo mbalingwa?
2. Oityi onotratadu mbalingilwa monkhalelo ngoyo omphe?
2 Oityi Mbalingilwa Onomphe?: Opo tuivise nawa umbo na umbo tyesukisa okulandula ononthele ombu ononkhuana: (1) Linga omunthu epulo oityi asoka opo uhimbike etompho. (2) Lekesa etyi Ovihonekwa vipopia. (3) Muavela otratadu opo atange. (4) Mupula epulo moya okukumbulula tyina uya okumutalelapo. Onkhalelo omphe onotratadu mbalingwa itukuatesako okulandula ononthele ombo ononkhuana.
3. Oñgeni tupondola okuava otratadu tyina tuivisa?
3 Oñgeni Mbuundapesua: (1) Tyina muamelikukunya, mulekesa omapulo etatu ekahi komutwe, opo aholovonepo, omuiti apopie oityi asoka. (2) Ikula otratadu, amulilongesa “Oityi Ombimbiliya Ipopia.” Inkha tyitavela, otestu tanga umwe Mombimbiliya yatyo. Inkha omunthu una omuvo, lilongesei epulo “Oñgeni Okutavela Kuotyo Tyikuetela Ouwa? (3) Muavela otratadu omuavela ondundo opo eitange aiho. (4) Tyina uheneende, mulekesa epulo likahi konyima pombuelo ya pana pati “Soka Kuetyi” iya amulilae opo muye okulilongesa ekumbululo Liombimbiliya onthiki onkhuavo.
4. Oñgeni tupondola okuundapesa onotratadu onomphe tyina tutalelapo ovanthu?
4 Okutalelapo omunthu tupu tyapepuka. Undapesa vala onotestu mbukahi kondye yotratadu naukumbulule epulo walingile. Nkhele tyina weheneende, mulekesa olutalatu luo mbrochula Onondaka Onongwa, konyima omulekesa ombrochula yatyo nelongeso lielikuata netyi mukahi nokupopia iya omuavela yo. Inkha wetambula, mulaa etyi mamuya okulilongesa mo mbrochula oyo nthiki ukondoka. Ngotyo wahimbika okulongesa omunthu Ombimbiliya! Ine upondola okumupa otratadu onkhuavo omulae etyi mamuya okupopia monthiki ukondoka.
5. Ouwa patyi onotratadu mbukahi nokulinga movilinga vietu viokuivisa?
5 Onotratadu mbukahiale nokuundapeswa movilinga vietu viokuivisa omanima alamba po 130. Namphila mbelikalaila mounene nomokualingwa, mbukahi nokuava oumbangi omunene. Tupondola okuundapesa onotratadu ombo onomphe opo tuyandyanese enoñgonoko Liombimbiliya ouye auho.—Pro. 15:7a.