Oñgeni Tyihimbikwa Etompho no Notratadu?

Okupolelela mu Janeiro yo 2018, momukanda Wovilinga Omuenyo Wetu Woukilisitau Novilinga Vietu, kefo lyo tete kuya omatompho konthele Yombimbiliya. Omatompho oo konthele Yombimbiliya etukuatesako okutomphola novanthu atuheveavela vala omikanda. Onovidiu mbokuhimbika etompho mbulekesa oñgeni tyihimbikwa etompho no Mbimbiliya iya otyo tyikuateseko ovaivisi. Okuti ngotyo katupondola okuava omikanda tyina tuivisa? Au! Mongeleka, ono tratadu mbutukuatesako okuhimbika etompho. Onthue tupondola okulinga ngetyi, tyina tuivisa no notratadu:

1. Linga epulo likahi kondye yo tratadu.

2. Lekesa ekumbululo livasiwa mo testu yo Mbimbiliya likahi konyima yo tratadu. Inkha pena omuvo tanga onondaka mbuvasiwa konyima yo tratadu.

3. Muavela otratadu, omupopila opo eitange aiho.

4. Konyima mulekesa epulo liati “Oityi Ove Usoka,” omutolela okuti moya okulikumbulula onthiki onkhuavo no Mbimbiliya.

Tyina ukemutalelapo, kumbulula epulo wasilepo iya osipo vali ekuavo moya okukumbulula monthiki onkhuavo. Upondola okumulinga epulo likahi mo Site yetu ine epulo livasiwa momukanda uli kondye yo tratadu. Konyima omulekesa ombulusula Onondaka Onongwa mba Huku! ine omukanda omukuavo uli Motyipapo Tyetu Tyokulongesa.