Oñgeni Tyiundapeswa o Audiu—Omikanda Viangalavalwa?
1. Namphila tunale omikanda, otyiti patyi otyikuavo tunatyo tyipondola okutukuatesako?
1 Ovanthu ovanyingi vehole o jw.org mokonda Vatangamo onondaka onongwa, mbaviuka, mbuvekuatesako okunoñgonkoka otyili. (Ecl. 12:10) Mahi, okuti nove uhole okutehelela omikanda viangalavalwa? Okulinga ngotyo, matyikukuatesako okutehelela ovipuka ovinyingi vikahi mo jw.org. Iya ouwa patyi tupola kokuundapesa o jw.org?
2. Oñgeni onthue matuundapesa o Audiu ine omikanda viangalavalwa melilongeso lietu lioulike no mefendelo lietu liombunga?
2 Opala Elilongeso Lietu Onthue Muene Nefendelo Liombunga: Okutehelela onothele mbangalavalwa Mbombimbiliya, nomikanda omikuavo, hamwe putyina tuli moungendi tyipondola okutukwatesako, okuundapesa nawa omuvo wetu. (Efé. 5:15, 16) Onthue tupondola okuyawisa kuetyi tulilongesa mefendelo lietu liombunga, mokutehelela ononthele mbagalavalwa, atukuamemo nomikanda. Okutehelela ononthele ombo tyina ulilongesa ove muene awike, matyikukuatesako okutanga vali nawa, onoñgonoka nawa elaka ukahi nokulilongesa.
3. Ovanthu patyi potyilongo tyetu vapondola okupola ouwa komikanda viangalavalwa?
3 Movilinga Viokuivisa: Ovanthu vamwe potyilongo tyetu vehena omuvo utuuka pala okutanga, vapondola okukakala nehambu tyina vatehelela omikanda viangalavalwa. Tupu pamwe tupondola okuvasa ovanthu vapopia elaka ekuavo iya ankho vatehelela onondaka onongwa Mbouhamba “melaka liavo muene,” momikanda viangalavalwa, tyipondola okuvekuatesako vali. (Atos 2:6-8) Movilongo vimwe, okutehelela otyipuka tyakolela movituwa viavo. Mongeleka, ovituwa viova Hmong, ovakulu valongesa ovana ovituwa viavo mokuvepopila komulungu iya ovana ovo navo ha avapopila vali vakuavo. Ovanyingi movilongo vio mo Afrika vanoñgonoka ovituwa viavo mokuvipopilwa otyo vatehelela.
4. Omapulo patyi onthue tupondola okulilinga opo tukuateseko vo potyilongo tyetu?
4 Okuti potyilongo tyove, ankho uhikisila ovanthuomikanda viangalavalwa, momalaka avo kupolopo ouwa? Inkha tutumikisa omunthu umwe omukanda wangalavalwa momesase, okuti kamapolopo ouwa? Okuti katyitavela upole o audiu—omukanda wangalavalwa oupake ko CD, oyavela omunthu umwe una esuko? Okuti tyitavela umuavele nomukanda watyo opo alandulilemo tyina eitehelela? Movilinga viokuivisa, ankho tuavela omunthu omukanda, ngetyi ombruchula, o tratadu, Omutala Womulavi ine o Despertai! tupondola okuvivalula. Omikanda viangalavalwa, vialingwa pala onthue tulilongese-vio iya nokukuna otyili Tyouhamba.—1 Cor. 3:6.