Evi Mavikukwatesako Okutanga Ombimbiliya Apeho

Okuti mokonda una ovilinga ovinyingi, tyikupwiya okutanga Ondaka ya Huku ononthiki ambuho? (Susu. 1:8) Ine tyikupwiya, apa pena ovipuka mavikukwatesako:

• Ovola etyi matyikuhinangelesa. Upondola okupaka o alarme mo telefone yove, okuti walinga soka oola motanga-tanga Ombimbiliya.

• Ombimbiliya yove ipaka poluhandya. Ombimbiliya ipaka apa pamoneka, apa utala apeho, uhinangele okwiitanga. — Epal. 11:18.

• Tehelela Ombimbiliya yangalavalwa. Tyina uli nokulinga ovilinga viove otyo wiitehelela. Omukokoli-ndyila umwe una ovana utiwa o Tara, uundapa kongulohi, wati: “Okutehelela Ombimbiliya yangalavalwa tyina ndyilinga ovilinga viomeumbo, tyinkhwatesako okwiitanga ononthiki ambuho.”

• Wahayeke-ko. Ine kwetyivilile okutanga moola wapanga okutanga-tanga, tanga vala onovelesikulu mbumwe tyina wehenelangale-po. Wehesuke, otyinthimbu wateta konyoka otyo otyove. — 1 Pet. 2:2.