Ononkhalelo Mbokuundapesa o JW Library

TYINA ULILONGESA:

• Tanga Ombimbiliya, no testu yonthiki apeho

• Tanga o Anuario nomikanda omikuavo

• Pongiya omaliongiyo iya onthindi apa pena omakumbululo

• Tehelela onovidiu

MOMALIONGIYO:

• Tanga otestu mo JW Library omulongomoni ekahi nokutanga. Tupu o JW Library itukuatesako okuvasa otestu muatangelia-le.

• Opo uhatyinde omikanda ominyingi tyina wenda keliongiyo, vipaka motelefone yove, ngamo ulandulila omulongomoni, okukutinyamo omukanda woviimbo. Mo JW Library muvasiwa oviimbo ovipe nkhele vieheli momukanda woviimbo

MOVILINGA VIOKUIVISA:

• Lekesa o JW Library komunthu walekesa esuko, iya omukuatesako opo eipake motelefone yae, no ñgeni mapakemo omikanda

• Undapesa otyiti tyokuovola opo uvase oversikulu Yombimbiliya. Inkha onondaka wovola kumbuete Mombimbiliya yokuatalwa nawa, ovola mombimbiliya Tradução do Novo Mundo com Referência

• Lekesa ovidiu. Ine hekulu yeumbo una ovana, upondola okumulesa ovidiu yokuati: Kala Epanga Lia Jeova, ine hamwe o yokuati: Oityi Wesukisila Okulilongesa Ombimbiliya? Opo ulunde omunthu ulongesa Ombimbiliya. Inkha omunthu wavasa upopia elaka ekuavo, mulekesa ovidiu melaka liae

• Mulekesa otestu Mombimbiliya yelaka liae. Ovola otestu, iya omange poversikulu yatyo nga mutale oversikulu oyo monombimbiliya ononkhuavo