OMUENYO WETU WOUKRISTAU
Onalupi Ndyipondola Okuundapa ngo Mukokoli-ndyila Wapola Pokati?
Emonekelo lia Ezekiele Liondyuo ya Huku lilekesa okuti ovanthu va Jeova ankho maveliave tyihakuluminyua. Oñgeni tupondola okuovola okulinga oviawa viehiliviko?—Heb. 13:15, 16.
Onkhalelo imwe ongwa okukala omukokoli-ndyila wapola pokati. Enima lio 2018 lina onohanyi ononyingi mbatyinda ovi Tyasapalo vitano no vi Tyalumingu vitano. Otyo haunene tyikuatesako vana vaundapa ku kaputu nomovilinga viokuivisa konthyulilo yo simanu. Ngotyo, ovaivisi vapondola okuholovona okuava onoola 30 ine 50 mohanyi ya Tyitalale na Tyikukutu ine omohanyi omutalelipo womawaneno atalelapo ewaneno.
Iya inkha onkhalelo yetu kaitukuatesako okukala omukokoli-ndyila wapola pokati? Tupondola okulikuatehila okuyawisa vali ovilinga vietu viokuivisa nomuvo tumanena movilinga ovio. Kese nkhalelo tukahi, ohole tuna na Jeova maitulundu okulinga atyiho tuvila movilinga viokuivisa menima lio 2018!—Osé. 14:2.
Oñgeni ame ndyipondola okuhetekela ombili ya Sabina Hernández?
TALEI O VIDIU YATI NEKUATESO LIA JEOVA, AME NDYIPONDOLA OKULINGA OVIPUKA OVINYINGI, IYA KONYIMA AMUKUMBULULA OMAPULO AA:
Oityi tyalunda Sabina okuundapa vali unene movilinga via Jeova?
Oñgeni ongeleka ya Sabina ikupameka?
Menima lio 2018, onohanyi patyi ove upondola okuundapa ngomukokoli-ndyila wapola pokati?