Omokonda Yatyi Upandela Efendelo Liasukuka?

Ova Judeu ankho vekahi koukonde vapamekelwe nemonekelo lia Ezekiele liondyuo ya Huku mokonda lievepele onthumbi yokuti efendelo liasukuka malipindulua-po. Mononthiki mbuno mbonthyulilo, efendelo liasukuka ankho “malipakwa keulu lio nomphunda” iya onthue tulinga onthele yovanthu aveho vomalongo ankho maveya komphunda oyo. (Isa. 2:2) Okuti apeho usokolola kelao una liokunoñgonoka Jeova nokumufenda?

ONONKHANO ONONGWA MBEFENDELO LIASUKUKA:

• Okulia okunyingi kuopaspilitu kutuavela omakumbululo omapulo akolela momuenyo, nekevelelo liapama.—Isa. 48:17, 18; 65:13; Rom. 15:4

• Ovakuatate vena oluembia ouye auho.—Sal. 133:1; João 13:35

• Elao liokuundapela kumwe na Huku otyilinga tyituhambukiswa.—Atos 20:35; 1 Cor. 3:9

• “Ombembwa ya Huku” itupameka tyina tuvasiwa novitateka.—Fil. 4:6, 7

• Omalusoke asukuka.—2 Tim. 1:3

• “Oupanga wapama na Jeova.”—Sal. 25:14

Omononkhalelo patyi ndyipondola okulekesa okuti ndyipanda efendelo liasukuka?