Velongesa opo Vatualeko Okuumbila Jeova

Tyimoneka nawa okuti tyina ovaivisi ovape valongeswa okukala nombili movilinga viokuivisa tunde ponthyimbi, vakala ovaivisi ovanongo. (Pro. 22:6; Fil. 3:16) Apa pena onondonga mbumwe mbupondola okukukuatesako okulongesa omuivisi omupe opo akale nombili novilinga viokuivisa:

• Tyina omulongwa wove amakala omuivisi, liwa-liwa himbika okumulongesa. (km 8/15 1) Mulongesa opo aundape movilinga viokuivisa onosimanu ambuho. (Fil. 1:10) Popia monkhalelo ikahi nawa konthele yotelitoliu. (Fil. 4:8) Muavela ondundo opo aundape nomukuatate ukahi komutwe wotyikundyi novaivisi ovakuavo opo apole-ko ouwa kongeleka yavo.​—Pro. 1:5; km 10/12 6 ¶3

• Tyina omulongwa wove amambatisalwa, uhayeke-po okumupameka nokumulongesa movilinga viokuivisa haunene tyina ehenemane okulongeswa omukanda “Ohole ya Huku.”​—km 12/13 7

• Popia onondaka mbapepuka tyina ukahi nokuivisa nomuivisi omupe. Tyina amapopi nomunthu mupandula. Muavela onondonga mbupondola okumukuatesako okukala vali omunongo.​—km 5/10 7