OMUENYO WETU WOUKRISTAU
Nokulongesa—Tyakolela pala Okulinga Ovalongwa
Jesus watuma ovalanduli vae opo vakalinge ovalongwa. (Mat. 28:19) Otyo tyakutikinya okuivisa nokulongesa. Kese muvo, atuho tuesukisa okulipula okuti, ‘oñgeni ndyipondola okukala vali omunongo movilinga viakolela unene viokulinga ovalongwa?’
OKUIVISA
Onthue kamatukevelela ovanthu veye kuonthue, mahi liwa-liwa tuna okukaovola vana “vatokala.” (Mat. 10:11) Tyina tuli movilinga viokuivisa tuna okuundapesa onomphitilo ambuho opo tupopie ‘novanthu tuvasa.’ (Atos 17:17) Mokonda Paulu ankho una ombili movilinga viokuivisa Lidia akala omulongwa.—Atos 16:13-15
“Kuna ombuto yove komuhuka, okuvoko kuove kuhapululukue alo kokangulohi.” (Ecl. 11:6)
TALA OVIDIU YATI: TUALAKO OKUIVISA “TYIHATALAMA”—OKUAVA OUMBANGI MOUNYINGI NOKUIVISA UMBO-NA-UMBO, KONYIMA AMUKUMBULULA OMAPULO AA:
Mu kese nthiki oñgeni Samuele alekesa okuti ankho wovola okukuna
Omokonda yatyi tuesukisila okukoleleya movipuka aviho tyina tuivisa?
Olie wesukisa okupopila onondaka Mbouhamba ononthiki ambuho?
OKULONGESA
Opo tulongese ovanthu vakale ovalongwa, tuna okuundapa vali unene tyipona okuveavela vala omikanda. Opo tuvekuateseko okukula motyili, tuesukisa okuvetalelapo apeho nokuvelongesa Ombimbiliya. (1 Cor. 3:6-9) Mahi inkha tulinga ononkhono nombili yokulongesa omunthu otyili Tyouhamba, mahi otyo ahalingi omapiluluko? (Mat. 13:19-22) Onthue tuna okutualako okuovola ovanthu vana vena omitima vikahi nawa “ngeheke liava ovinyango”—Mat. 13:23; Atos 13:48.
“Ame natuika, Apolu watapela, mahi Huku wekulisa.” (1 Cor. 3:6)
TALA OVIDIU YATI: TUALAKO OKUIVISA “TYIHATALAMA”—MOUNYINGI NOKULINGA OVALONGWA, KONYIMA AMUKUMBULULA OMAPULO AA:
Oñgeni Salomau na Maliya vatapelela otyili momutima wa Ezequiel no wa Abigail?
Olusoko patyi tuna okukala nalo movilinga viokuivisa, okukutikinya-mo okuava oumbangi mounyingi?
Ombili patyi tuesukisa okukala nayo opo tulongese vakuetu otyili?