OMUENYO WETU WOUKRISTAU
Hinangela Omukai wa Lote
Omokonda yatyi omukai wa Lote atalela konyima etyi vekahi nokutunda mo Sodoma? Ombimbiliya kaityipopi. (Gên. 19:17, 26) Ehipululo lya Jesus lilekesa nawa okuti omukai wa Lote ankho wasokele kovipuka asilepo. (Luc. 17:31, 32) Oñgeni matulityilika okuhapandwa na Huku ngo omukai wa Lote? Onthue katupondola okuyeka omalumono akale otyipuka tyotete momuenyo wetu. (Mat. 6:33) Jesus walongesa okuti “katupondola okukala ovapika va Huku no Vomalumono.” (Mat. 6:24) Mahi inkha tunoñgonoka okuti omalumono ekahi nokunyona oupanga wetu na Huku? Tuna okulikuambela ku Jeova okuita enoñgonoko opo tutale opi tuesukisa okulinga omapiluluko nokuita omutima wakola opo tutyivile okutyilinga.
TALEI ONONTHELE ONONTHATU MBOVIDIU YATI: HINANGELA OMUKAI WA LOTE IYA KONYIMA AMUKUMBULULA OMAPULO AA:
Muevi ndyilinga oñgeni mandyilekesa okuti “ndyihinangela omukai wa Lote”?
Oñgeni okuhindilwa okukala vali nonombongo tyakalesile omalusoke a Gloria, netyi apopia iya netyi alinga?
Oityi hono tulilongesila komukai wa Lote?
Oñgeni kuendela monondonga mbo Mbimbiliya tyakuatesileko Joel nombunga yae?
Oñgeni oupanga Ana alingile kovilinga, wakalesile oupanga wae na Jeova?
Omokonda yatyi tuesukisa okukola omutima, inkha tukahi nokuhindilwa opo tupake omalumono pomphangu yotete?
Oñgeni Bernardo na Gloria vahimbika okupaka vali pomphangu yotete ovilinga vya Huku?
Onondonga patyi mbo Mbimbiliya wamona movidiu ei?