Lilongesila Kovipuka Huku Atunga

Tyina utala ononthemo mbelikalaila, neulu, ine onomphupa mbomaande, okuti wiimbuka otyilinga otyinene Omutungi akala natyo? Ovipuka viatungwa tumona apeho, vitukuatesako okunoñgonoka ovituwa vya Siovaa. (Loma 1:20) Inkha tusokolola nawa kovipuka tumona, matunoñgonoka okuti Huku una epondolo, nohole, nounongo, nouviuki, notyali. — Sal. 104:24.

Ovipuka patyi vimwe Siovaa atunga ove umona apeho? Alo umwe inkha ukala mepunda-umbo, uhole okumona oviila, nomiti. Inkha tusokolola nawa kovipuka Siovaa atunga, matyitukuatesako okulityilika otyiho, okuhesuku unene novitateka vietu, nokukala vali nonthumbi yokuti Siovaa matualako okututekula. (Mat. 6:25-32) Inkha una ovana, vekuatesako okunoñgonoka nawa ovituwa vya Siovaa. Tyina tupanda vali unene ovipuka Huku atunga, matyitukuatesako okufuena vali kwe. — Sal. 8:3, 4.

TALA OVIDIU YATI: OVIPUKA VIHUVISA HUKU ATUNGA VIMUNKHIMANEKA — OTYIMIMI NOVIVALA, KONYIMA AMUKUMBULULA OMAPULO AA:

• Oñgeni ono pigmento mbutukuatesako okuimbuka ovivala?

• Oityi tyikuatesako otyipuka tyike okukala novivala vielikalaila?

• Omokonda yatyi eulu likalela novivala vielikalaila?

• Ovipuka patyi vina ovivala oviwa uhole okumona peumbo lienyi?

• Omokonda yatyi tuesukisila okusokolola nawa kovipuka Huku atunga?