Ovola Enoñgonoko Liakolela Litunda Ku Siovaa

OMOKONDA YATYI TYAKOLELA: Omulongesi Wavilapo Siovaa utulongesa monkhalelo ikahi nawa. Siovaa utulongesa oñgeni tupondola okukala nomuenyo ukahi nawa pehepano, iya nomuenyo uhapu komutwe wandyila! (Isa. 11:6-9; 30:20, 21; Ehol. 22:17) Elongeso liakolela Siovaa etuavela, litukuatesako opo tutyivile okulongesa ovanthu okukamona omuenyo. — 2 Kol. 3:5.

TYILINGWA ÑGENI?

• Kala novituwa oviwa, liola omutima, noumphwa-lundo. — Sal. 25:8, 9.

• Tavela tyina uviyulwa, natyina upewa onthele meliongiyo lyo mokati kosimanu.

• Ovola ovilinga meongano. — Fili. 3:13.

• Linga ononkhono opo uvase ovilinga meongano. — Fili. 3:8.

TALA OVIDIU YATI: OUWA UTUNDILILA KOKULONGESWA NA SIOVAA, IYA KONYIMA AMUKUMBULULA OMAPULO AA:

• Ovitateka patyi ovakuatate valambela Mosikola Yovaivisi Wouhamba vakala navio?

• Onondonga patyi ovakuatate valambela Mosikola Yovaivisi Wouhamba vapewa?

• Oñgeni ewaneno lipondola okukuatesako ovakuatate vatumwa opo vaivisi mewaneno liavo?

• Onondonga patyi wesukisa opo wende Mosikola Yovaivisi Wouhamba? (Ouhamba Utumina pefo 189)

• Ondongeso patyi ikahi nawa tupondola okupola meongano lya Siovaa?