Linga Oupanga na Vana Vehole Siovaa

Omokonda yatyi tuesukisila okulinga oupanga na vana vehole Siovaa? Omokonda omapanga etu apondola okutukuatesako ine okutunyona. (Pro. 13:20) Mongeleka Ohamba Joasi walingile “atyiho tyaviuka komaiho a Siovaa” mokueenda kuomuenyo Womunene-nakwa Jeoiada. (2 Crô. 24:2) Etyi Jeoiada ankhia, Joasi ayeke-po okuumbila Siovaa, mokonda yomapanga omavi. — 2 Crô. 24:17-19.

Potyita tyotete Apositolu Paulu waelekele Ewaneno Liovakilisitau “nondyuo onene”, vana valinga onthele yewaneno eveeleka “novityuma” ine ovipuka vivasiwa mondyuo. Onthue tutualako okuundapeswa ‘monkhalelo yomunkhima’ tyina tulityilika okukala noupanga, na vana vahahambukiswa Siovaa tyilinge mewaneno ine o mombunga. (2 Tim. 2:20, 21) Mahi tupondola okulinga oupanga na vana vehole Siovaa, iya atulikuatesako okumuumbila.

TALA OVIDIU YATI LITYILIKA OMAPANGA OMAVI, IYA KONYIMA AMUKUMBULULA OMAMPULO AA:

• Oityi tuesukisa okulinga opo tulityilike okukala na vana valinga ovipuka ovivi?

• Movidiu ei tuatala, oityi tyakuatesako ovakuatate okulityilika omapanga omavi?

• Onondonga patyi mbo Mbimbiliya mbupondola okutukuatesako okuholovona omapanga nounongo?