Okuti Ove Uhole Ondaka ya Huku?

Ombimbiliya ina omalusoke nonondaka mba Siovaa, Hekulu yomukanda oo. (2 Pet. 1:20, 21) Ombimbiliya ipopia okuti Siovaa malekesa okuti oe vala watokala okutumina iya maundapesa Ouhamba wae opo apilulule ohi aikala omphangu yombembwa. Moluotyo tupondola okukevelela ovipuka oviwa komutwe wandyila. Tupu Ombimbiliya itukuatesako okunoñgonoka tate yetu Siovaa Huku, una wokuna ohole. — Sal. 86:15.

Kese umwe pu onthue uhole Ondaka ya Siovaa, mokonda yovipuka vielikalaila. Mahi okuti tulekesa okuti tuhole otyiawa otyo, mokutanga Ombimbiliya ononthiki ambuho, nokuendela muetyi ipopia? Tuhanda ovituwa vietu vilekese okuti no onthue tutavela etyi omuhoneki umwe apopia, okuti: “Ame ndyihole unene ovitumino viove!” — Sal. 119:97.

TALA OVIDIU YATI ANKHO VEHOLE OMBIMBILIYA — OTYINTHIMBU (WILLIAM TYNDALE), KONYIMA AMUKUMBULULA OMAPULO AA:

• Omokonda yatyi William Tyndale apitiyile ononthele mbumwe mbo Mbimbiliya?

• Omokonda yatyi ononkhono alingile opo apitiye Ombimbiliya kamambulimbwa?

• Oñgeni ono Mbimbiliya mba Tyndale mbatuailwe ko Inglaterra?

• Oñgeni kese umwe apondola okulekesa okuti uhole Ondaka ya Huku?