OLUMONO LUKAHI MONDAKA YA HUKU | GÊNESIS 32-33

Okuti Ukahi Nokulwa Opo Uyambwe?

Opo tuyambwe na Siovaa, tuesukisa okulinga ononkhono mbokupaka omasuka-suka Ouhamba pomphangu yotete momuenyo wetu. (1 Kol. 9:26, 27) Tyina tuumbila Siovaa tuesukisa okulikuatehila ngetyi tyalingile Sakoo. Tulekesa okuti tuovola okuyambwa na Siovaa tyina . . .

Tupongiya nawa omaliongiyo
Tuenda apeho movilinga viokuivisa
Tukuatesako ovakuatate mewaneno

Olutalatu: O ina yovana una ovilinga. 1. Ulikuambela komuhuka. 2. Ukahi nokulisa olukembe lwae tyina nkhele eheneende movilinga viokuivisa. 3. Wahambukwa etyi ekahi nokuundapa movilinga viokuivisa novana vae vevali nomphange womewaneno liavo.

Ngokala-kala ñgo, novitateka tualako okulikuambela nokuovola okukuatesuako na Siovaa. Linga ononkhono opo uyambwe na Siovaa mokumulingila ovilinga viae.

LIPULA OKUTI, ‘Omovipuka patyi nesukisa okulikuatehila opo ndyiyambwe na Siovaa?’