Lunguka Opo Uhayandyanese Omatutu

Hono, onondaka mbupondola okuliyandyana liwa mokonda yomikanda, nolaliu, no televisau no internete. Vana vafenda ‘Huku yotyotyili’ kavapondola okuyandyanesa omatutu, namphila hatyoko ankho vahandele. (Sal. 31:5; Êxo. 23:1) Okupopila vakuetu omatutu tueiva, tyipondola okueta ovitateka ovinyingi. Tyina uhanda okunoñgonoka inkha otyipuka tyimwe weiva otyili, tete lipula okuti:

• ‘Okuti netyiiva komunthu ndyiyumba onthumbi?’ Una wekupopila-tyo, tyipondola kei ovipuka aviho viaendapo. Tyina omunthu apopia otyipuka tyimwe, upondola okuyawisa-ko tyae. Ngotyo, lunguka tyina wehei opi tyatuka. Vana vena ovilinga mewaneno vayumbwa onthumbi mokonda vapopia otyili. Mokonda yotyo, vena okulunguka opo vahapopile vakuavo ovipuka vehei nawa.

• ‘Okuti etyi neiva tyisilisa mukuetu?’ Inkha etyi weiva tyisilisa mukuenyi ine ovanthu ovanyingi, hahe wehetyipopie vali. — Prov. 18:8; Fil. 4:8.

• ‘Okuti otyili umwe?’ Lunguka tyina wameivi omahipululo amwe amoneka ngoti ha otyotyili-ko.

HIKISA OVIDIU YATI “OÑGENI MOLITYILIKA OKUPOPIA OVIPUKA VIAMUENE?” KONYIMA AMUKUMBULULA OMAPULO ALANDULAKO:

• 

  Ngetyi tyipopia Provérbios 12:18, onondaka mbetu mbaelekwa natyi?

• 

  Oñgeni Ova Filipu 2:4, itukuatesako okusoka nawa ku etyi matupopi konthele ya vakuetu?

• 

  Oityi tupondola okulinga tyina omunthu umwe amahimbika okupopia omapita mukuavo?

• 

  Tyina tuhenepopile vakuetu otyipuka tyimwe, omapulo patyi tuna okulipula?