Tulekesa Okuti Tuhole Siovaa Tyina Tutavela Okuviyulwa Nae

Tyina omunthu amapolwa mewaneno, otyo tyiyakulila ovakuatate mewaneno iya tupu tyilongesa vana valinga ononkhali otyo vehelivele. (1 Kol. 5:6, 11) Tyina tutavela otyitumino tya Siovaa konthele yokupolwa mewaneno tulekesa okuti tuna oluembia. Oñgeni matulekesa okuti tuna oluembia tyina omunthu amapolwa mewaneno, ngwe otyo katyihambukiswa ombunga yae novakulu vewaneno?

Tyina tutavela otyitumino tya Siovaa konthele yokupolwa mewaneno, tulekesa okuti tuhole Siovaa, iya tupu tutavela ovitumino viae vipopia konthele yousukuki. (1 Pet. 1:14-16) Tupu tulekesa okuti tuhole omunthu wapolua mewaneno. Namphila tyina omunthu amapolwa mewaneno tyiihama, mahi tyipondola okueta “otyinyango tyombembwa tyouviuki.” (Heb. 12:5, 6, 11) Okulinga oupanga nomunthu wapolua mewaneno, tyilekesa okuti tukahi nokutyitukilapo Siovaa. Tuesukisa okuhinangela okuti, Siovaa uviyula ovanthu vae ‘monkhalelo ikahi nawa.’ (Jer. 30:11) Ngotyo, putyina tukevela omunthu wapolua mewaneno akondoke ku Tate yetu omukwa-nkhenda, tutualeiko okupameka oupanga wetu na Siovaa, atutavela kuviyulwa Nae. — Isa. 1:16-18; 55:7.

HIKISA OVIDIU YATI: KALA OMUKUATYILI NOMUTIMA AUHO. KONYIMA AMUKUMBULULA OMAPULO AA:

• 

  Oñgeni ovo he Ovakilisitau velitehelela tyina omona wavo amayeke-po Siovaa?

• 

  Oñgeni ovakuatate mewaneno vapondola okukuatesako ombunga ya una wapolua mewaneno?

• 

  Ehipululo patyi lyo Mbimbiliya lilekesa omokonda yatyi tuesukisila okukakala vali ovakuatyili ku Siovaa tyipona ombunga yetu?

• 

  Oñgeni tupondola okulekesa okuti, tuvakuatyili vali ku Siovaa tyipona ombunga yetu?