Siovaa Utuviyula Mokonda Utuhole

Momalaka omanyingi, ondaka okuviyula, haunene ipopia okulonga omunthu. Mahi tupu ipopia okulonga omunthu umwe walinga etyi tyapenga. Siovaa utuviyula opo tumufende nawa, ngetyi ahanda umwe okufendwa. (Loma 12:1; Heb. 12:10, 11) Okuviyulwa pamwe tyiihama unene, mahi okutavela tyina tuviyulwa, tyituatela ouwa. (Pro. 10:7) Oityi vana vokuviyula vakuavo na vana vokuviyulwa vena okuhinangela?

Vokuviyula: Ovakulu vewaneno, no vohe yovana, novanthu ovakuavo, vesukisa okulinga ononkhono mbokuviyula vakuavo nokankhenda ngetyi Siovaa alinga. (Jer. 46:28) Atee umwe tyina omunthu apengesa unene, una okuviyulwa noluembia, okutalela ku etyi matyimukuatesako. — Titu 1:13.

Vokuviyulwa: Katyitei konkhalelo patyi tuaviyulwa, tuna okutavela, katupondola okuaanya. (Pro. 3:11, 12) Atuho tuvakuankhali; otyo tuesukisila okuviyulwa. Iya pamwe matuviyulwa mononkhalelo mbelikalaila. Mongeleka, tupondola okuviyulwa netyi tutanga mo Mbimbiliya, netyi tuiva komaliongiyo. Mahi pamwe matyisukisa umwe, ovakulu vewaneno vetuviyule. Tyina tutavela okuviyulwa, atuendela mu etyi tuapopilwa, tukala nomuenyo ukahi nawa pahetyino iya matukakala nomuenyo wahapu komutwe wandyila. — Pro. 10:17.

HIKISA OVIDIU YATI: “SIOVAA UVIYULA VANA EHOLE”. KONYIMA AMUKUMBULULA OMAPULO AA:

• 

  Omuenyo wa Canon, ponthyimbi ankho ukahi ñgeni? Iya oñgeni wapiluluka?

• 

  Oñgeni Siovaa emuviyula?

• 

  Oityi ongeleka yae itulongesa?