OMUENYO WETU WOUKILISITAU
Uhahetekele Vana Vayekapo Siovaa
Ovo Koraa na Dataa na Abirau ankho vatomba ovanthu Siovaa aholovona vakalele ova Isilayeli komutwe. Atyiti ovo, ovanthu vahula kuvo, Siovaa evehanye-ko. Mokonda otyipuka otyo ankho valinga, ongatyina vatyindamena Siovaa. (Núm. 16:26, 27, 31-33) Na hono, kuna ovipuka vimwe tuesukisa okuholovona, o tuhula ku Siovaa, o tuhula ku etyi ovanthu vapopia. Ovipi ovipuka ovio? Onongeleka patyi tuvasa mo Mbimbiliya mambutukuatesako okuahayeke-po Siovaa?
TALA OVIDIU YATI: UHAHETEKELE VANA VEHE-VAKUATYILI. KONYIMA OKUMBULULA OMAPULO AA:
O motyipuka patyi Nadia esukisile okuholovona okuhula ku Siovaa? Ongeleka yalie ili mo Mbimbiliya yemukuatesako okulinga etyi tyaviuka?
O motyipuka patyi ankho omukulu wanumana walekeswa movidiu, esukisile okuholovona okuhula ku Siovaa? Ongeleka yalie ili mo Mbimbiliya yemukuatesako okulinga etyi tyaviuka?
O motyipuka patyi ankho Paulo esukisile okuholovona okuhula ku Siovaa? Ongeleka yalie ili mo Mbimbiliya yemukuatesako okulinga etyi tyaviuka?
O motyipuka patyi ankho omukuendye walekeswa movidiu esukisile okuholovona okuhula ku Siovaa? Ongeleka yalie ili mo Mbimbiliya yemukuatesako okulinga etyi tyaviuka?