KALA NOMBILI MOVILINGA VIOKUIVISA

Longesa Nomikanda Kalako Nomwenyo Apeho!

Tyili tuahambukwa unene etyi tuapewa omikanda vivali viokulongesa ovalongwa vetu! Tuya nokulikuambela opo Siovaa etukuateseko okulongesa ovanthu ovanyingi vakale ovalongwa va Sesusi. (Mat. 28:18-20; 1 Kol. 3:6-9) Mahi oñgeni matulongesa nomikanda ovio?

Onkhalelo yokulongesa nomikanda ovio vivali, yelikalela unene netyi tulinga-linga-ale pokulongesa. Pahe pokulongesa ovalongwa vetu, matutomphola vala. Matutale etyi upondola okulinga pokulifuika ukalongese, na tyina pahe muli nokulilongesa.a

Tyina muli nokulilongesa, tangei ono palangalafu mbatyo, amukumbulula omapulo
Tangei ono tesitu mbokuati “tangei”, okuatesako omulongwa wove okunoñgonoka oñgeni maendela-mo
Hikisa ono vidiu mbuvasiwa mononthele, amutomphola konthele yomapulo ayemba kono vidiu
Apeho tyina mulilongesa, manei umwe elongeso aliho

Tyina wamavasi omunthu movilinga viokuivisa, tete muavela ombulusula utale ine wesuka umwe. (Tanga okakasa kati: “Oñgeni Upondola Okuava Ombulusula Kalako Nomwenyo Apeho! Metompho Lyo Tete?”) Ine watala okuti muamana okulilongesa ombulusula, iya omulongwa uhanda okutualako okulilongesa, muavela omukanda watyo mutualeko okulilongesa pelongeso lya kuana. Iya ine pahetyino ñgaa ovalongwa wove uli nokuvelongesa momikanda omikuavo? Oityi molingi? Vepola-mo, ovetuala momukanda Kalako Nomwenyo Apeho!. Mahi pahe okutalela ku etyi muelilongesa-le, ove muene utyii apa mamuhimbikila okulilongesa momukanda oo.

Pahe veli nokulongesa omunthu una vaivisile momukanda “Kalako Nomwenyo Apeho!”.

TALA OVIDIU YATI: LIEPEKO! OKUMBULULA OMAPULO AA:

Oityi omulongwa melilongesa momukanda omupe?
Oityi wesukisila okulekesa ovidiu oyo tyina muamehimbika okulilongesa nomunthu omupe?
Wesukisa okukuatesako omulongwa alinge-tyi? — Tanga okakasa kati: “Etyi Ononthele Mbalingilwa.”

a TALA: Pana pokuati “Kuhande Okuovola Vali?” ove muene utyii ine mamulilongesa-po oo kamamulilongesa-po. Mahi no ngotyo, tyina ulifuika ukalongese, taindya omuvo wokutanga-po, nokutala ono vidiu mbuli-po. Ine otyo ulinga ngotyo, namphila kamamulilongesa-po, motale etyi hamwe omulongwa wove mapande, netyi matyimukuatesako. Momukanda wokupakwa motelefone, pana pena ovidiu, umangapo vala atyikutuala movidiu yatyo. Tyehe-novidiu vala, tupu muna vali ovipuka ovikuavo.

ETYI ONONTHELE MBALINGILWA
	ONTHELE	ETYI YALINGILWA	ETYI OMULONGESI ENA OKULINGA
1	01-12	Monoñgonoka oñgeni Ombimbiliya ipondola okukukuatesako, netyi una okulinga unoñgonoke hekulu Yombimbiliya.	Kuatesako omulongwa wove: (1) atange Ombimbiliya; (2) atange etyi ha mamuya okulilongesa; (3) ahimbike okuenda komaliongiyo.
2	13-33	Monoñgonoka ovipuka Huku etulingila, no ñgeni ahanda okufendwa.	Kuatesako omulongwa wove ahimbike okupopila vakuavo etyi elilongesa, akala omuivisi.
3	34-47	Monoñgonoka etyi Huku akevelela ku ava vemufenda.	Kuatesako omulongwa wove elipakule ku Siovaa, ambatisalwa.
4	48-60	Monoñgonoka etyi wesukisa okulinga utualeko okuhumba Huku.	Longesa omulongwa wove okupunga otyiwa notyivi, omukuatesako okutualako okupameka oupanga wae na Siovaa.