Tavela Vakuenyi Vekukuateseko

Pamwe Siovaa utuma “ovakuatate” vetukuateseko. (1 Pet. 5:9) Vakuetu tyili vapondola okutukuatesako movilinga viokuivisa. Tusokei ku apositolu Paulu. Wetavelele okukuatesuako na Akila na Pilisila, na Sila na Timotiu, no vakuavo vali. — Ovil. 18:1-5.

Oñgeni vakuenyi vapondola okukukuatesako movilinga viokuivisa? Pamwe tyipondola mavekupopila etyi una okulinga tyina omunthu amekutete ondaka, no ñgeni tyitalelwa-po ovanthu. Iya pamwe mavekupopila oñgeni upondola okuhimbika okulongesa omunthu, no ñgeni tyilongeswa nawa ovalongwa vetu. Ine wamona okuti una etyi wakambesa okulinga nawa movilinga viokuivisa, soka komunthu umwe mewaneno lienyi utyivila okutyilinga nawa, omuiti ekukuateseko. Amuho matyimukuatesako iya amuho mamuhambukwa. — Fili. 1:25.

TALA OVIDIU YATI: KALA NEHAMBU MOVILINGA VIOKULINGA OVALONGWA — TAVELA EKUATESO LYA SIOVAA — OVAKUATATE VETU. OKUMBULULA OMAPULO AA:

• 

  Oityi Nita alinga akuateseko Jade okukala nolumbwe luokuenda komaliongiyo?

• 

  Oityi tuesukisila okuenda novaivisi vakuetu tyina tukalongesa ovalongwa vetu?

• 

  Ovipuka patyi omukulukai Abigaili ehole, Jade nae ehole?

• Ovipuka patyi ovaivisi vakuenyi vapondola okukulongesa?