Kuatesako Omulongwa Wove Ayekepo Ovipuka Viailikwa no Mbimbiliya

Omunthu opo akale epanga lya Siovaa, kapondola okulinga ovipuka Ngwe ailika mo Mbimbiliya. (1 Pet. 1:14-16) Tyina ovalongwa vetu vayekapo ovivi, vakala nawa. Vakala nombembwa meumbo, vakwata nawa onombongo mbavo, kavalingi ovipuka vipondola okuveetela onombela.

Linga ovipuka evi vitatu: (1) Popila umwe nawa omulongwa wove ovipuka Siovaa ahahande. (2) Mupopila oityi Siovaa ehetyihandela. (3) Mupopila ouwa tupola-ko tyina tutavela Siovaa. Opo omulongwa wove etyivile okuyekapo ovivi, una okumulongesa okuyala etyi Siovaa eyele. (Efe. 4:22-24) Pamwe ovivi omulongwa wetu alinga, wevihimbika-le okuvilinga kohale, wevityiliya-le unene. Mupopila okuti Siovaa memukuatesako mononkhono alinga. (Fili. 4:13) Mulongesa elikuambele apeho tyina amahande okulinga otyipuka ei okuti matyinumanesa Siovaa. Mukuatesako anoñgonoke ovipuka vipondola okumulingisisa alinge onkhali, omupopila etyi ena okulinga elityilike-vyo. Mulongesa okuti opo ayekepo okulinga ovivi, una okulinga oviwa. Iya matukala ñgeni tyina tuamamono okuti pahe omulongwa wetu uli umwe nokuyekapo ovivi? Matuhambukwa unene!

TALA OVIDIU YATI: KUATESAKO OVALONGWA VOVE OKUYEKAPO OVITUWA OVIVI. PAHE OKUMBULULA OMAPULO AA:

• 

  Oñgeni Jade etyimona okuti, ovo Nita novakulu vewaneno, vemuyumba onthumbi yokuti mayekepo otyivi ankho alinga?

• 

  Oityi Nita alinga akuateseko Jade?

• 

  Oityi Jade alinga Siovaa emukuateseko?