OLUMONO LUKAHI MONDAKA YA HUKU

Apeho Pula Siovaa Etyi Una Yokulinga

Ova Isilayeli ankho vati vala avakala, avapulu Siovaa etyi vena okulinga. (Juíz. 20:17, 18, 23; Omutala Womulavi 15/9/2011 Pefo 32 § 2)

Ova Isilayeli ankho vena onthumbi yokuti Siovaa mevekuatesako okusukukisa enyina liae. (Juíz. 20:26-28)

Tyina pena etyi tuasoka okulinga, apeho tuna okuyumba onthumbi mu Siovaa, atumuiti etukuateseko okutala etyi tyikahi nawa tupondola okulinga. (Juíz. 20:35; Luka 11:9; Omutala Womulavi 15/9/2011 Pefo 32 § 4)

Omalutalatu: 1. Omukulu una nokulilongesa nawa, atala etyi apondola okulinga motyitateka tyimwe ena-tyo. 2. Pahe uli nokupopia nondotolo. Uli nokumupopila okuti kapakwa ohonde.

LIPULA OKUTI: ‘Okuti tyina ndyina otyitateka ndyihole umwe okulikuambela ku Siovaa? Okuti ndyihole okumuita ankhuateseko ndyityivile okusoka nawa etyi mandyilingi?’