Vakuendye Novahikuena — Tompholei Novo Tate Yenyi

Oityi una okupopila ovo tate yove etyi tyili momutima wove? (Pro. 23:26) Omokonda ovo Siovaa aavela otyilinga tyokukutekula, nokukulonga onondunge. (Sal. 127:3, 4) Ine kutomphola navo uvepopile etyi usoka, netyi tyili momutima wove, vana kamavetyivili okulinga nawa otyilinga tyavo tyokukulonga onondunge. Tupu, ovo tate yove vei ovipuka ovinyingi. Pahe ankho kutomphola navo, mopumbwa ovipuka ovio vei. Okuti ngotyo una umwe vala okuvepopila ovipuka viove aviho? Au, hatyo-ko. Mahi apeho tyina uti pokutomphola navo, popia umwe otyili. — Pro. 3:32.

Opo utomphole novo tate yove, hetekela okulinga ñgaa: Katomphole navo tyina utyiete okuti kavaponenwe, kavakuatele omapita. Mahi tupu holovona oola imwe no ove uliete-vo okuti ukahi nawa. Ine utala ñgaa ngoti ovo tate yove vetupu omuvo, vehonekela omukanda opopi-mo etyi ankho uhanda okuvepopila. Mahi pahe ine ukati ñgaa, ovo tate yove vahimbika okukupula ovipuka vimwe wahahande vipopiwe? Opo hinangela okuti vahanda vala okukukuatesako. Ovo tate yove omapanga ove, vekuhandela vala otyiwa, wehevetale okuti onondyale mbove. Ine apeho utomphola novo tate yove, molongoka, okala omunthu wonondunge. Otyo matyikukuatesako na tyina umwe wamekulu, no mouye omupe. — Pro. 4:10-12.

TALA OVIDIU YATI: PUETYI ANKHO NDYIMONA — OÑGENI NDYIPONDOLA OKUPOPIA NO VO TATE? PAHE OKUMBULULA OMAPULO AA:

• 

  Oityi ovo Esther na Partik pahe vamona?

• 

  Oityi Sesusi ankho alinga ove no ove upondola okulinga?

• 

  Ovipuka patyi ovo tate yove vehole okukulingila vilekesa umwe nawa okuti vekuhole?

• 

  Ono tesitu patyi mbo Mbimbiliya wamona okuti mambukukuatesako tyina utomphola novo tate yove?