Linga-vo Tyimwe Tyipondola Okweeta Ehambu Meumbo

Siovaa uhanda ovanthu aveho meumbo vakale nehambu velivile nawa. (Sal. 127:3-5; Ecl. 9:9; 11:9) Mahi pamwe tyipuiya mokonda yovipuka ovivi vili mouye omu, tupu pamwe mokonda tuvakwankhali, umwe meumbo upondola okulinga tyimwe atyitupolo ehambu. Oityi kese wike mombunga apondola okulinga meumbo mukale nehambu?

Siovaa uhanda omulume atekule nawa omukai wae. (1 Pet. 3:7) Apeho vena okukala kumwe otyo vatomphola. Omulume wokuhole omukai wae, usoka koviwa omukai wae alinga, no kononkhono alinga atekule nawa vomeumbo liae. (Kolo. 3:15) Una okumupopila okuti umuhole nokumupandula. — Pro. 31:28, 31.

Kuna ovipuka ovinyingi omukai ena okulinga opo akuateseko omulume wae. (Pro. 31:12) Tyina omulume wae amemuti tulinge tyongandi no tyongandi, utavela, elikuatehila opo etyi omulume wae asoka tyeende nawa. (Kolo. 3:18) Upopia nawa nomulume wae, kemupopi omapita movanthu. — Pro. 31:26.

Onwe vokuna ovana, apeho tompholei no vana venyi. (Deu. 6:6, 7) Vepopilei okuti muvehole. (Mat. 3:17) Natyina muveviyula, vetyimone umwe okuti muvehole mwii ovitateka viavo. — Efe. 6:4.

Ovana vena okutavela kovo tate yavo nokuvehumba. (Pro. 23:22) Vesukisa okupopila ovo tate yavo etyi vasoka novitateka viavo. Vena okukala nonthilo navo avetavela tyina veveviyula. — Pro. 19:20.

HIKISA OVINDIU YATI: KALA NEHAMBU MOMBUNGA, OPULU OKUTI:

Oityi kese wike mombunga apondola okulinga meumbo mukale nehambu?