Kuatesako Omulongwa Vove Ahumbe Siovaa

Siovaa uhanda tumufende mokonda tumuhole. (Mat. 22:37, 38) Opo ovalongwa vetu vayekepo ovipuka ovivi, avahayekepo otyili naapa umwe vena ovitateka, avehiki kokumbatisalwa, vena okuhumba unene Siovaa. — 1 Suau 5:3.

Longesa nawa omulongwa wove opo atale okuti Siovaa umuhole unene. Opo utyivile, pamwe mupula omapulo ngaa: “Etyi tuamona apa, wamona okuti Siovaa ukahi ñgeni? Oñgeni etyi tuatanga tyilekesa okuti Siovaa ukuhole?” Mulongesa amone ovipuka oviwa Siovaa ehole okumulingila. (2 Crô. 16:9) Muhipululila-po oñgeni Siovaa akumbaulula omalikuambelo ove, omupopila nae atale ovipuka Siovaa emulingila akumbulule omalikuambelo ae. Tyihambukiswa unene tyina tumona okuti omulongwa wetu utyii okuti Siovaa umuhole. Tuhambukwa mokonda tutyii okuti opo nae mahumbu Siovaa, ahande okukala epanga liae.

TALA OVIDIU YATI: KUATESAKO OVALONGWA VOVE OKUKALA NOUPANGA WAPAMA NA SIOVAA. PAHE OKUMBULULA OMAPULO AA:

• 

  Oityi ankho tyatokotesa omutwe Jade?

• 

  Oñgeni Nita akuatesako Jade?

• 

  Oityi Jade alinga tyemukuatesako?