Ovalie Omapanga Ove Una-o mo Internet?

Epanga, omunthu umwe ove uhole unene. Etyi Daviti aipaa Goliya, avakala omapanga omanene na Sonataa. (1 Sam. 18:1) Valinga tupu omapanga, omokonda aveho vevali ankho vena oviwa mukuavo ehole. Naina, opo tukale epanga liomunthu umwe, tete tuna okumunoñgonoka umwe nawa. Ngwe okunoñgonoka nawa omunthu umwe, hatyipuka tyilingwa vala onthiki ike. Hono, ovanthu vanyingila vala mo Internet, ngamo vavasa vakuavo, aveliti omapanga. Mahi katyitavela okunoñgonoka nawa omunthu mo Internet, mokonda ovanyingi veli-mo, velilingisa ngoti ovanthu ovawa. Naina tuna okutala nawa ovanthu tutavela vakale omapanga etu. Ine omunthu ukuita ukale epanga liae, mahi ngwe kumwii, opo wehetavele. Wahalinge otyiho tyokuti hamwe manumana. Ovanthu vamwe, etyi vetyisoka umwe nawa, avati hahe vakalele ngotyo, avahakala nomapanga mo Internet. Mahi ine ove una-mo omapanga, oityi wesukisa okuhinangela?

TALA OVIDIU YATI: LUNGUKA TYINA ULINGA OUPANGA MO INTERNET. PAHE OKUMBULULA OMAPULO AA:

• 

  Tyina uti pokupaka otyipuka mo Internet, oityi una okutala nawa?

• 

  Oityi wesukisila okukoya nawa omapanga ove una-o mo Internet?

• 

  Oityi wesukisila okutala nawa omuvo ukala nokutomphola nomapanga ove? — Efe. 5:15, 16