Oupanga mo Internet — Lityilika Okutokela Meliva

TYAKOLELA MOKONDA YATYI: Ngetyi tyikahi oviti ovinyingi, o Internet ipondola okutukuatesako tupu ipondola okutunyona. Ovaumbili va Jeova vamwe vaholovona okuhalingila oupanga mo internet. Ovakuavo vaundapesa otyiti otyo opo vatomphole nombunga nomapanga avo. Mahi Eliapu lihanda tuundapese omapita o internet opo tunyone ovituwa vietu, noupanga wetu na Huku. Nga Jesus, onthue tupondola okuundapesa onondonga mbukahi Mondaka ya Huku opo tuimbuke omaliva Eliapu nokulityilika-o. — Luc. 4:4, 8, 12.

OMALIVA TUNA OKULITYILIKA:

• Okuundapesa unene o Internet. Okumanena omuvo omunyingi mo internet, tyipondola okutupola omuvo ankho tuhanda okuundapesa movilinga vya Jeova.

  Onondonga mbo Mbimbiliya: Efé. 5:15, 16; Fil. 1:10.

• Okutala ovipuka vihavuikile. Okutala omalutalatu ovanthu velihandesa tyipondola okutulunda okutala ovipuka vihongiliya okulinga oundalelapo ine oumbalehi. Okutanga ovipuka viovanthu vokuatyitukila-po otyili tyipondola okunyona ekolelo lietu.

  Onondonga mbo Mbimbiliya: Mat. 5:28; Fil. 4:8.

• Okupaka-mo onondaka ine omalutalatu ahaviukile. Mokonda omutima omukengeleli, omunthu upondola okukala neyembelo liokupaka-mo onondaka mbahaviukile ine omalutalatu pokulinga oupanga. Mahi otyo tyipondola okunyona ovituwa viomunthu, nokutendesa ekolelo liae.

  Onondonga mbo Mbimbiliya: Rom. 14:13; Efé. 4:29.

TALA OVIDIU YATI, LUNGUKA TYINA ULINGA OUPANGA MO INTERNET IYA KONYIMA OTALE OÑGENI MOLITYILIKA OVIPUKA EVI: