Ine Potyilongo Tyenyi Pankhinduka Ovihuna, Okuti Welifwiika-le?

Mokonda tuli unene konthyulilo youye, tutyii okuti ovilwa, novanthu vaipaa vala vakuavo onya, no vokuluisa ovatumini, novipuka vali ovikuavo ovivi, maviliyawisa. (Ehol. 6:4) Pahe oñgeni tupondola okulifwiika?

• Pameka oupanga vove na Siovaa: Ovola onotesitu mbo Mbimbiliya mambukukuatesako okupameka eyumba-nthumbi liove mu Siovaa, no meongano liae. Tupu ovola onotesitu mambukukuatesako okulunguka, ohahulu onthele naike tyina motyilongo muluwa. (Pro. 12:5; Jeremias, Pefo 125-126 §§ 23-24) Otyikuavo una okulinga pehepano, okupameka oupanga una na vakuenyi vo mewaneno. — 1 Pet. 4:7, 8.

• Longela ovipuka mosukisa: Longelei okulia nomaande, novipuka ovikuavo. Sokei oku mamukatilila ine apa mukala pankhinduka ovitateka tuapopia kombanda oku, amusoko oñgeni mamuende-ko. Pamwe otyiwa okutala ovipuka mualongela ine kapakambele natyike. Tyina muti pokulongela, muahalimbweiko okupaka-mo omasikala enyi, nomaluva, nonombongo. Motelefone yove paka-mo ombalulo yovakulu vewaneno, ovehila yove. — Isa. 32:2; Pahukei! 5/2017 Pefo 3-7.

Tyina pahe tyameyapo, wahayekeko okulilongesa Ombimbiliya, nokulikuambela, nokuenda komaliongiyo. (Fil. 1:10) Ine apa muatilila pekahi nawa, muahatundei-po amuende vali no kokukuavo. (Mat. 10:16) Ine vakuenyi vetupu na tyike, veavelei. — Loma 12:13.

TALA OVIDIU YATI: OÑGENI UPONDOLA OKULIFWIIKA TYINA NKHELE WEHENEMONEKELWE NOVIHUNA? PAHE OKUMBULULA OMAPULO AA:

• Oñgeni Siovaa etukuatesako tyina tumonekelwa novihuna?

• Oityi tuna okulinga tulifwiike?

• Oñgeni tupondola okukuatesako vakuetu vamonekelwa novihuna?