Tuli Konthyulilo Youye — Lifuiika Nawa

Mokonda tuli unene konthyulilo youye uno, ovitateka maviliyawisa. (2 Tim. 3:1) Tyina pamoneka ovihuna, eongano lya Siovaa litupopila etyi tuesukisa okulinga opo tuhupe. Mahi no onthue tuesukisa okulinga tyimwe. Opo tuhupe, tuesukisa okulifuiika pahetyino, tyilinge moupanga wetu na Huku, tyilinge okumaneka ovipuka vimwe. — Luka 16:10.

• Pameka oupanga wove na Huku: Linga ovipuka vipameka ekolelo liove. Lilongesa okuivisa mononkhalo ononyingi. Ine pomphangu uli kapetavela okulimona na vakuenyi womewaneno, wahahangayale, mokonda kuli-ko kokule na Siovaa na Sesusi. — Isa. 30:15; Organizados, Pefo 176-177 §§ 15-17.

• Longela ovipuka vimwe: Longelei ovikulia vituka ovanthu aveho vomeumbo lienyi, omaande, ovihemba, novipuka ovikuavo mamusukisa. Longelei umwe tyokulongela, mokonda omunthu wii oku atunda, okuenda nako kekwii. — Pro. 22:3; Despetai! 5/2017 Pefo 4, 6.

HIKISA OVIDIU YATI: OÑGENI UPONDOLA OKULIPONGIYA TYINA NKHELE UHENEMONEKELWE NOVIPONGA? KONYIMA AMUKUMBULULA OMAPULO AA:

• 

  Oñgeni tupondola okupameka ekolelo lietu opo Siovaa nae etyivile okutupameka tyina tuli movihuna?

• 

  Omokonda yatyi tuesukisila:

  • okutomphola novakulu vewaneno?

  • okulongela ovipuka vimwe?

  • okusoka kovihuna vipondola okutumonekela, netyi tuna okulinga?

• 

  Ovipuka patyi vitatu tupondola okulinga opo tukuateseko vakuetu tyina valambela movihuna?

LIPULA OKUTI, ‘Oityi o koronaviru yandongesa konthele yokukala tyafuapo movihuna?’