Oityi Tupondola Okulinga Nonthele Yokuati Etompho Konthele Yombimbiliya

Pokulinga onthele ei yokuati Etompho Konthele Yombimbiliya, vokuilinga vasoka umwe nawa etyi matyikuatesako ovanthu. Ovaivisi ovanyingi tyina valinga umwe etyi tyili monthele oyo movilinga viokuivisa, ovanthu vesuka umwe notyili. Mahi mokonda mouye mwati umwe votyilongo etyi vekahi ñgaa, votyilongo etyi vekahi tyityatyo, movilinga viokuivisa, ovaivisi ovo muene vetyii oñgeni mavaendeka etompho opo ovanthu vesuke notyili. Muene tyikola vala, okuivisa onondaka onongwa Mbouhamba ngetyi Sesusi etutuma. Mahi tyina tyiti pokulinga okambanya, atuho tuna umwe okulinga etyi eongano liapopia. — Mat. 24:14.

Pahe pokulinga ononthele meliongiyo, ovaivisi vena umwe okulinga etyi tyili Momukanda Wovilinga, pokuati: Etompho Konthele Yombimbiliya. Mahi ine katyatilwe lingei ngetyi tyili apa pokuati Etompho Konthele Yombimbiliya, opo vokulinga ononthele, ovo muene vakoya epulo mavalingi, no tesitu mavatange, nepulo mavasi-po. Mahi pokukoya ovipuka ovio, vena okusoka ku etyi tyili nokupopiwa mohanyi oyo, no ku etyi tyikuatesako ovanthu vo potyilongo tyavo okusuka notyili. Etyi ñgaa tyapilulula etyi tuapopile Momukanda Wovilinga wa Junho yo 2020, pefo 8.