Siovaa Mekukuatesako na Tyina Umwe Wehena Natyike

Mononthiki mbuno mbonthyulilo, ovipuka vialema unene, otyo no ngotyo nkhele tukevelela okuti mavitokota vali. Ha apeho umwe matumono ovipuka tuesukisa, ngetyi okulia. (Hab. 3:16-18) Oityi matyitukuatesako tyina tuhena umwe natyike meumbo? Tuna okuyumba onthumbi mu Huku yetu Siovaa. Wapopia okuti ovipuka nga vilema-lema umwe, apeho matekula ovanthu vae. — Sal. 37:18, 19; Heb. 13:5, 6.

Etyi upondola okulinga:

• Ita Siovaa ekuavele ounongo utyivile okusoka etyi molingi. — Sal. 62:8

• Ine pamoneka otyilinga wehenelinge-ale, undapa umwe. — Pahukei! 1/2010, oukasa uli pefo 8-9

• Wahayekepo okutanga Ombimbiliya ononthiki ambuho, nokuenda komaliongiyo no movilinga viokuivisa

TALA OVIDIU YATI: TUNGA ONDYUO MAITUALAKO TYAPAMA — “HAMBUKILWEI OVIPUKA MUNA.” PAHE OKUMBULULA OMAPULO AA:

• Ovitateka patyi ovanthu vamwe vena?

• Oityi tuna okusuka vali natyo?

• Oñgeni tupondola okukuatesako vakuetu vehena umwe natyike?