Oundyale Maukanyimuako Pala Apeho!
Namphila tutyivila okulipola oundyale mokati ketu, mahi katutyivili okuupola momitima viavakuetu. Ovanthu vehena etyi vei, vamona ononkhumbi mokonda youndyale. Ngotyo, oityi matyiya okumanako oundyale?
Siovaa Huku oe vala meketyivila okunyimako oundyale pala apeho. Otyo, otyo Ombimbiliya yalaa. — Provérbios 20:22.
HUKU MAKANYIMAKO OVIPUKA AVIHO VIETA OUNDYALE
1. SATANASI ELIAPU. Oandyu imwe omphuki itiwa o Satanasi, oyo yaetako oundyale tueete hono. Huku kamanyimako Satanasi novanthu aveho valinga ovipuka ngetyi alinga. — Salmo 37:38; Ova Loma 16:20.
2. OUYE WA SATANASI. Huku makanyimako ovivi aviho vivasiwa mouye, okukutikinyamo ovanthu vopulitika, nononkhalamutwe mbonongeleya. Tupu mouye omupe kamamukala vali ovanthu vana vokuvakela vakuavo monondando. — 2 Petulu 3:13.
3. ONKHALI. Ombimbiliya ipopia okuti ovanthu aveho vapiñgana onkhali, iya mokonda yotyo, vayembela vala kokusoka ovipuka ovivi. (Ova Loma 5:12) Pahe mokonda yonkhali, ovanthu veyele vakuavo. Huku makakuatesako ovanthu aveho okuahakala vali nonkhali, tupu oundyale mekeumanako pala apeho. — Isaías 54:13.
OMBIMBILIYA IPOPIA OKUTI MOUYE OMUPE KAMUKAKALA VALI OUNDYALE
1. MOUYE OMUPE KAMUKALINGWA VALI OVIVI. Ohi aiho maikatuminwa Nouhamba wa Huku, outumini ukahi nawa uli keulu. (Daniel 2:44) Okapungulula makakanyimuako. Huku makaviukisa umwe ovipuka aviho ovanthu vanyona. — Luka 18:7.
2. OVANTHU AVEHO MAVEYA OKUKALA NOMBEMBWA. Petupu vali omunthu makamona ononkhumbi mokonda yovilwa, noungangala. (Salmo 46:9) Ovanthu aveho kombanda yoohi mavakakala mombembwa. — Salmo 72:7.
3. OVANTHU AVEHO MAVAKALA NEHAMBU. Ohi maikeyula ovanthu velihole navakuavo. (Mateusi 22:39) Nawike vali makakala tyasoya, iya ovipuka ovivi kavikahinangelwa vali. (Isaías 65:17) Tyina otyo tyamalingwa, ovanthu aveho ‘mavakakala nehambu enene, nombembwa.’ — Salmo 37:11.
Ove kuhande okukalala mouye ngoo? Mononthiki mbuno, ovanthu ovanyingi vekahi nokulilongesa okuyekapo oundyale putyina vaendela monondongwa mbo Mbimbiliya. (Salmo 37:8) Tupu no Nombangi mba Siovaa mouye auho otyo vekahi nokulinga. Namphila vavasiwa movilongo vielikalaila, no ngotyo velihole, iya velikuata-po. — Isaías 2:2-4.
Onombangi mba Siovaa mavahambukwa okukupopila oñgeni vetyivila okuyekapo oundyale nokapungulula. Etyi mavekupopila matyikukuatesako otyivili okulipola katutu-katutu oundyale nokapungulula. Monoñgonoka oñgeni motyivili okutekula nokankhenda ovanthu aveho, namphila pamwe vahapandula. Inkha ulinga ngotyo, mokala nehambu pehepano, amukala omapanga navakuenyi. Haunene, monoñgonoka etyi una okulinga opo ukakale mouye omupe mamukatuminwa Nouhamba wa Huku, muahakakala vali oundyale. — Salmo 37:29.