Ovanthu Votyili Etyi Vapopia Otyo Valinga

Tanga Ovakoyesi 11:30-40 opo ulilongesile kweetyi tyalingile Sefetee nomona wae omukainthu, tyiyemba kokulinga etyi tupopia.

Tala oñgeni tyaenda-enda. Ova Isilayeli vali noupanga omuwa na Siovaa, ankho vetyitala ñgeni tyomunthu okupanga otyipuka malingila Siovaa, aane? (Onob. 30:2) Oityi ovo Sefetee nomona wae valingile, tyalekesa okuti ankho vayumba onthumbi mu Siovaa? — Ovak. 11:9-11, 19-24, 36.

Tyiheyulula vali nawa. Mokutala ankho otyityi Sefetee eli nokusoka poola apopila Siovaa etyi malingi? (Omutala Womulavi wa Tyikukutu yo 2016, pefo 7 opalangalafu 12) Oityi Sefetee ankho melipolo etyivile okulinga etyi apopila Siovaa? Oityi omona wae ankho mayeke-po opo etyivile okulinga etyi tate yae apopila Siovaa? (Omutala Womulavi wa Tyikukutu yo 2016, pefo 6-8 opalangalafu 14-16) Ovipuka patyi ovanthu va Huku hono vehole okupopila Huku okuti mavevilingi? — Omutala Womulavi wa Tyikukutu yo 2017, pefo 6-8 opalangalafu 10-19.

Tala etyi ulilongesila-ko. Lipula ñgaa:

• ‘Oityi matyinkhwatesako okulinga etyi napopilile Siovaa pokwelipakula? (Omutala Womulavi wa Março yo 2020, pefo 13 opalangalafu 20)

• ‘Ovipuka patyi ndyina okuyeka-po ndyityivile okulingila vali nawa Siovaa?’

• ‘Oityi ndyina okulinga opo apeho nahalimbwe etyi napopile pokwelinepa na mukwetu? (Mat. 19:5, 6; Efe. 5:28-33)