Okuti Ombola Yokuyumbwa Mouye Auho Iwaneka Ovanthu? — Oityi Ombimbiliya Ipopia?

Ovanthu ovanyingi vekehungiki ponomiliau 5, vakevelela okutala ombola maiyumbwa mouye auho. Yahimbika okuyumbwa mo monthiki 20, ya Novembro maipu monthiki 18 ya Dezembro yo 2022. Ovanthu vasoka okuti onombola ngoombo mbukwatesako ovanthu okulikwata-po.

• Nelson Mandela, wali omutumini woko África do Sul, wati: “Okusana ombola tyipondola umwe okupilulula ouye, mokonda ityivila okuhonyeka ovanthu. Kutupu vali otyipuka otyikwavo tyipondola okuvila okuhonyeka ovanthu ngombola.

• Gianni Infantino wakalela komutwe FIFA, (Eongano lipopia oñgeni ombola ina okuyumbwa) wapopia okuti: “Ombola iwaneka ovanthu . . . Mokonda aveho vakevela vala otyipuka tyike, vahambukilwa vala otyipuka tyike, vehole vala otyipuka tyike.”a

Okuti tyina ovilongo vikasanena ombola motyilongo otyikwavo otyo tyipilulula ouye aukala vali nawa? Okuti otyo tyeeta umwe ombembwa newaneko?

Okuti tyili-tyili ombola iwaneka umwe ovanthu?

Otyipuka ombola yenima lyo hono wapopia mono televisau no molaliu ovanthu ankho kavakevelela vala okuyumba ombola.

Ovanthu ovanyingi ankho vesuka unene nokutala ombola yenima lyo hono eiyumbwa mouye auho. Mahi, kayeeta ombembwa newaneko liotyotyili, mokonda kapasetwa-le liwa-liwa utala-ko vala ovanthu velitipauka, valinga umwe ngeetyi Ombimbiliya wapopia okuti otyo matyikakala “kononthiki mbahulilila.” — 2 Timotiu 3:1-5.

Etyi matyiwaneka umwe ovanthu mouye auho

Ombimbiliya ipopia etyi matyiwaneka ovanthu mouye auho. Ipopia okuti ovanthu mouye mavekelikwata-po umwe aveho Putyina vakatuminwa noutumini wokeulu utiwa “Ouhamba wa Huku.” — Luka 4:43; Mateusi 6:10.

Ohamba youhamba oo Sesusi Kilisitu, makaeta ombembwa mouye auho. Ombimbiliya ipopia okuti:

• “Ovaviuki mavakakala nehambu, nombembwa onyingi.” — Salmo 72:7.

• “Oe mayovola omuhepi uliyavela okuita ou umukwatesako, . . . Makayovola ohande yavo ilingwa onya no nondingavivi.” — Salmo 72:12, 14.

Etyi Sesusi alongesa, tyilia-le nokuhonyeka ovanthu ovanyingi-nyingi, vakala movilongo vilamba po 239. Ovanthu ovo valongesiwa okuheliyale na vakwavo. Ine uhanda okutyinoñgonoka vali nawa tanga onthele ei “Lityilika Okuyala Vakuenyi.”