Left: Hurricane Ian, Florida, USA, September 2022 (Sean Rayford/Getty Images); center: Mother evacuating with her son, Donetsk, Ukraine, July 2022 (Alex Chan Tsz Yuk/SOPA Images/LightRocket via Getty Images); right: Mass COVID testing, Beijing, China, April 2022 (Kevin Frayer/Getty Images)
WAHATALUKWE LUNGUKA!
2022: Enima Liepwilisa Unene — Oityi Ombimbiliya Ipopia?
Enima lyo 2022, onthwe tweiva ovipuka ovinyingi, ovilwa, novinimawe, nomatupia ayoka onofika. Ombimbiliya oyo vala ipopia umwe nawa-nawa oityi ovipuka ovio vilekesa.
Ovipuka viamoneka mo 2022 velekesa-tyi?
Ovipuka twamona menima lyo 2022, vilekesa umwe okuti tuli mononthiki Ombu Ombimbiliya ipopia okuti “ononthiki mbahulilila.” (2 Timotiu 3:1) Ononthiki ombo mbahimbika menima lyo 1914. Ombimbiliya yapopia-le okuti kononthiki mbahulilila makukamoneka:
“Ovilwa.” — Mateusi 24:6.
“Menima lyo 2022 opo ovilwa viahimbika vali motyilongo tyo Europa.”a
Tala onthele yokwati: “O Rússia Ilwisa o Ucrânia.”
“Ondyala.” — Mateusi 24:7.
“Enima lyo 2022 liakala vali nondyala unene tyipona omakwavo.”b
Tala onthele yokwati: “Okulia Kuhamoneka Tyavilapo Vali Novilwa ko Ucrânia.”
“Omikihi.” — Luka 21:11.
“Menima lyo 2022 kwamoneka omauvela amwe omanyingi ngeetyi ouvela utiwa poliomielite, nomauvela omakwavo vali atuka kovinyama, novanthu vankhia unene mo COVID-19, nomauvela okulitambuliswa, omauvela oo aeho omavi kovanthu.”c
Tala onthele yokwati: “Ovanthu Vakatuuka Onomiliau 6, Vaipawa Nomukihi Wokolona.”
“Ovipuka vitilisa owoma.” — Luka 21:11.
“Enima lyo 2022, kwamoneka omatupia apisa onofika, nomafindya omaande, enima limwe ovanthu vahamalimbwa mokonda mwankhia ovanthu ovanyingi, vamwe vesala tyehena omaumbo, mouye auho.”d
Tala onthele yokwati: “Mouye Auho Outokotwe Uli Nokulinga Omunene.”
“Mamukeiva ovilwa novitateka [Ine, “onondyaya, omaluei.” okatoi.].” — Luka 21:9.
“Ovitateka ovinyingi ngeetyi ondyala mouye auho, novipuka viatena unene. Otyipuka otyo tyalingisa ovanthu avahimbika okupopia omapita ovatumini okuhanda okuvetyitukilapo mo 2022.”e
Tala onthele yokwati: “Ondyala Mouye Auho”
Oityi matyimoneka menima lyo 2023?
Nawike wii etyi matyimoneka menima lyo 2023. Etyi onthwe twii okuti apa kapii, Ouhamba wa Huku, outumini uli keulu, maukaviukisa ohi aikala nawa. (Daniel 2:44) Outumini oo, maukamanako atyiho tyietela ovanthu ononkhumbi, etyi Huku ahandela ovanthu matyikalingwa kombanda yohi yatyo aiho. — Mateusi 6:9, 10.
Twahanda utavele onondaka mba Sesusi Kilisitu Mbati: ‘Tualeiko tyalunguka,’ mokonda ovipuka vikahi nokumoneka mouye vilekesa okuti etyi tyapopia Ombimbiliya tyili nokufwiswa-po. (Maluku 13:37) Ine uhanda okunoñgonoka etyi una okulinga opo Ombimbiliya ikukwateseko okukala nomwenyo omuwa pahetyino nokomutwe wandyila, upondola okupopia nonthwe matukukwatesako.
a AP News, “2022 Was Year the Horror of War Returned to Europe,” by Jill Lawless, 8 ya Dezembro yo 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, 22 ya Setembro yo 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, 24 ya Outubro yo 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, 8 ya Dezembro yo 2022.