Ono Redes Sociais (Moviluvia-Luvia) Mbuna Nokweetela Ovana Vove? — Oñgeni Ombimbiliya Ikwatesako Vokuna Ovana?

“Tyovana okulinyengwa tyakaka unene — haunene tyina umwe nokutuka kovipuka ovana vatala mono rede social (moviluvia-luvia).” — Omunene wokutanda Dr. Vivek Murthy, EUA. New York Times, 17 ya Pepo Linene yo 2024.

Oñgeni ovohe yovana mavayakulila ovana vavo vahanyonwe nono redes sociais? Ombimbiliya ipopia onondunge mbukahi nawa.

Oityi ovohe yovana vapondola okulinga?

Tutalei onondunge mbumwe mb’Ombimbiliya.

“Wokwatonkhoka nkhele usoka nawa, ahalingi vala liwa etyi asoka.” — Omihe 14:15.

Wahasoke okuti tyapenga okuhayeke ovana vove okunyingila mono redes sociais, mokonda mbupondola okuvenyona. Tyina nkhele weheneyeke omona okunyingila mono redes sociais, tala umwe nawa ankho metyivili okwahatale ovipuka viapenga, nokulityilika omapanga omavi, tupu kamatalukwamo vala.

•  Opo utyinoñgonoke vali, tanga onthele yati: “Devo deixar meu filho usar redes sociais?” no yokwati: ““Ensine seu filho adolescente a usar as redes sociais com segurança..”

‘[Lingei] umwe etyi tyitiwa otyetyi momuvo muna-o.’ — Ova Efesu 5:16.

Tyina wamayeke omona wove anyingile mono redes sociais, mupopila ovipuka ahapondola okulinga, nouwa mapoloko ankho utavela etyi wemupopila. Tala ine omona wove una umwe nokulinga etyi wemupopila, ankho hatyoko ena nokulinga opo mwiilika umwe ahanyingile vali mono redes sociais.

•  Mulekesa ovindiu yati: Lunguka Tyina Ulinga Oupanga mo Internet, umukwateseko okunoñgonoka omokonda yatyi vimwe ahapondola okuvilinga.

Noñgonoka vali ovikwavo

Ombimbiliya ipopia okuti tuli “mononthiki mbalema, ononthiki mbepwiya okukala.” (2 Timotiu 3:1-5) Mahi tupu ipopia onondunge mbukahi nawa mbutukwatesako tutyivile okukoleleya. Pena ovipuka vilamba po 20 vikwatesako ovohe novana vavo, vili monthele yokwati: Tyakaka Tyovana Okukala Nouvela Wokulinyengwa.