Okuti Eliapu Olio Likahi Nokueta Ononkhumbi Ambuho?

Ekumbululo Lyo Mbimbiliya

Ondaka ya Huku, Ombimbiliya, ilekesa okuti Satanasi omunthu wotyotyili, iya ukahi ngonkhalamutwe yonongangala ina epondolo, ihongolela “nomanyingilikilo ounkhembi” “nokukengelela nonkhalelo ihaviukile.” Tyotyili, Ombimbiliya ipopia okuti oe “utualako okulilekesa ngatyina oandyu yotyitei.” (2 Ova Tesalonika 2:9, 10; 2 Ova Kolindu 11:14) Tupu, tupondola okuimbuka okuti Eliapu oko likahi, okutalela komanyingilikilo alio.

Mahi, Eliapu ha-lioko livelwa onombei mokonda yononkhumbi ambuho tumona. Omokonda yatyi ha-lioko? Omokonda Huku watunga ovanthu nounongo wokukoya otyipi otyiwa notyivi. (Josué 24:15) Tyina tulinga omatokolo ahaviukile, onthue muene tulietela ononkhumbi. — Ova Galata 6:7, 8.