Selemiya
30 Ondaka ya Siovaa ayeendela Selemiya aiti: 2 “Etyi otyo tyapopia Siovaa, Huku yo Isilayeli wati: ‘Honeka momukanda onondaka ambuho mandyikupopila. 3 Tala! “Omboo mbuya ononthiki,” o Siovaa wetyipopia, “ononthiki ame mandyikongolola ovanthu vange aveho, ova Isilayeli, nova Sundaa veli koukonde,”+ o Siovaa wetyipopia, “ame mandyivekondola motyilongo napele onombwale mbavo, mavetyipingi atyilingi vali tyavo.”’”+
4 Ombu onondaka Siovaa apopila ova Isilayeli, nova Sundaa.
5 Etyi otyo tyapopia Siovaa wati:
“Tweiva ovanthu vaulula ononkhu vehulilwa;
Kuna vala owoma, kutupu ombembwa.
6 Mphulilei-vo olie omulume upondola okukutula.
Etyi ndyimona otyityi ovalume ovitevo aveho velikwata peimo,
Uti omukai waihamenwa ukutula?+
Oityi ovanthu aveho vapaalalela ñgaa?
7 Elowei! Onthiki oyo ombi* unene,+
Petupu vali onthiki onkhwavo yelifwa nayo.
Onthiki imwe yononkhumbi mba Sakoo.
Mahi ngwe matundu-po tyayovoka.”
8 “Monthiki oyo,” o Siovaa womambamba ovita wetyipopia, “mandyikateya okanga yavo, mandyiipolo pekohi liavo, omalienge ayo* andyeetipaula, ononthunda-vilongo* avehevelingi* vali ovapika. 9 Ovanthu vange mavakaundapela Siovaa Huku yavo, na Ndaviti ohamba yavo, ou mandyikeveetela.”+
10 “Ove muundapi wange Sakoo wahatile owoma,” o Siovaa wetyipopia,
“Wahapaalale, ove Isilayeli.+
Ame mandyikuyovola kotyilongo tyo kokule;
Vokwatuka mwoove andyivepolo kotyilongo tyoukonde.+
Sakoo makakondoka, makakala nomapole, akatula omutima,
Nawike vali mekevehonga.”+
11 “Mokonda ame ndyina ove,” o Siovaa wetyipopia, “ndyikuyovola,
12 Etyi otyo tyapopia Siovaa wati:
“Otyipute tyove katyiveluka.*+
Ombolo yove kaihakuka.
13 Utupu ou waamena omphela yove;
Petupu ovihemba vihakula otyipute tyove.
Utupu etyi tyikuhakula.
14 Aveho vokukuhanda vekulimbwa.+
Kavekwoovola vali.
Mokonda ame nekuvanga ngeetyi tyivangwa ondyale,+
Nekuvanga umwe lwo ou una onya,
Mokonda onombei mbove ononene, ononkhali mbove ononyingi.+
15 Oityi otyipute tyove tyikulilisila unene?*
Onongembia mbove kambutulu!
Mokonda onombei mbove ononene, ononkhali mbove ononyingi,+
Otyo ame nekulinga otyo.
Ava vekupola tyove navo mavakapolwa tyavo,
Aveho vokukupunda navo mandyivepakula avapundwa.”+
17 “Mahi ekongoko liove mandyikelikalesa vali nawa, ovipute viove andyikevihakula,”+ o Siovaa wetyipopia,
“Namphila ovanthu aveho vekulimbwa, vati:
‘O Siyau, kayoovolwa nomunthu nawike.’”+
18 Etyi otyo tyapopia Siovaa wati:
“Ame mandyikongolola ovikonde vyo monohinge mba Sakoo, aveho,+
Andyilingi okankhenda omakaka avo.
Epunda-umbo malikapindulwa-po alitungwa vali komphunda yalio,+
Otyimato tyokwapama matyikatungwa vali pomphangu yatyo mwene.
19 Mavakapandula, avakakwiilila nehambu.+
Ame mandyikeveyawisa, kavakalinga vanthu vehehi;+
Mandyikevelinga ovanyingi,*
Kavakalinga ovanthu vehena apa velifwe.+
20 Ovana vavo mavakakala ngo kohale,
Eliongiyo liavo malikakala tyitai komaiho ange.+
Mandyikevetyepesako aveho vevemonesa emone.+
21 Povavo opo mapakatunda omunene wavo,
Pokati kavo opo mapakatunda omutumini wavo;
Mandyikemweeta popepi, ngwe akafwena pwaame.”
“Ame otyo okwehetyilingi olie ñgeno welipa ovipuka,* afwene pwaame?” o Siovaa wetyipopia.
22 “Onwe mamukalinga ovanthu vange,+ ame andyikalinga Huku yenyi.”+
23 Tala! Otyipepe matyitundu ku Siovaa matyiya nononyengo.+
Otyipepe tyimwe otyinene matyitahelwa momitwe vionondingavivi.
24 Onyengo yatokota ya Siovaa kamaikondoka,
Mailingi umwe etyi asoka tyili momutima wae.+
Konthyulilo yononthiki, onwe mamuketyikola nawa otyo.+