Isekiyele
19 “Imba ongengeya ulile onohongoi mbova Isilayeli,* 2 popia uti:
‘Olie wali nyoko? Onkhulika ili pononkhulika.
Yalangalele pokati kononkhulika ovitevo mbelilumba-le,* ngapo ikulisila omawena ayo.
3 Aitekula ewena limwe, alilingi onkhulika imwe otyitevo yelilumba.+
Mwene pahe aityivili okuyeva aike,
Aili umwe novanthu.
4 Ovanthu vovilongo avetyiivi etyi ili nokulinga, aveikwatela meleva,
5 Oina aikevela-ko yati hamwe maikondoka, pahe aityimono okuti naina kaiya vali.
Aipolo ewena ekwavo, nalio aililingi umwe onkhulika otyitevo yelilumba.*
6 Alieenda-enda pokati kononkhulika ononkhwavo, alilingi onkhulika otyitevo yelilumba.
Alihimbika okuyeva alike, alili umwe novanthu.+
7 Aliliseta-seta novimato viokwapama, alihanye omapunda-umbo,
Otyilongo tyokwahanyauka atyipwila motyinthululu tyalio.+
8 Ovanthu vovilongo vieliseta notyilongo otyo, aveikatukila veiyumbe owanda wavo.
Aveikwatela meleva.
9 Aveihake nonondovo,* aveipake mongayola, aveitwala kohamba yo Mbambilonia.
Ko Mbambilonia, aveipake mokaleya, opo otyinthululu tyayo tyeheivalele vali monomphunda mba Isilayeli.
10 Nyoko wali ngomuti wonouva+ watwikwa pomaande.*
Waimine ovinyango, wali nonompha ononyingi mokonda wali pomaande omanyingi.
11 Wali nonompha mbakola,* mbutavela okumbuhonga ononkhunye mbovatumini.
Aukulu umwe aulambe-po omiti omikwavo.
Aumoneka kokule mokonda waya peulu, wayungumba una omafo omanyingi.
12 Mahi autukulwa-po nononyengo auho nomii viatyo,+ auyumbwa-hi,
Akutundu omphepo imwe koutundilo aiyoko ovinyango viatyo.
Onompha mbao mbokwakola ambuteke-ko ambukukuta,+ ambuyokwa notupia.+
13 Pahe watwikwa moluhandya,
Mohika imwe mwehena meva, yaliwa nohunga.+
14 Otupia atuhanduka nonompha mbatyo,* aupi umwe auho nondyovo yatyo novinyango viatyo.
Kakwahupile ompha naike yakola, nii onkhunye yokutumina.+
“‘Oyo ongengeya, mailingi yokwiimba ongengeya.’”