Oityi Omuenyo Walingilwa?

Ekumbululo Lyo Mbimbiliya

Ovanthu ovanyingi velipula omokonda yatyi Huku atungila ovipuka? Onthue tualingilwa tyi? Opi tuatuka? Okuti omuenyo wange una umwe esilivilo? Ombimbiliya ipopia okuti omuenyo wetu maukala vala nesilivilo inkha tukala noupanga wapama na Huku. Tala ovipuka vimwe Ombimbiliya ipopia.

• Huku oe Omutungi wetu. Ombimbiliya yati: “[Huku] oe wetutunga, hanthueko tuelitunga. Salmo 100:3; Eholololo 4:11.

• Ovipuka aviho Huku atunga okukutikinya-mo onthwe, vina esilivilo enene. — Isaías 45:18.

• Tuatungwa monkhalelo tukala vala nehambu tyina “tuhongolelwa na Huku.” (Mateusi 5:3) Ngwe uhanda umwe okutulongesa opo tukale nehambu olio. — Salmo 145:16.

• Onthwe tulekesa okuti tuhanda okuhongolelwa na Huku tyina tuna oupanga wapama nae. Namphila okukala epanga lya Huku tyimoneka ngoti katyitavela, Ombimbiliya itupopila okuti: “Fuenei ku Huku, nae mafuene ku onwe.” — Tiaku 4:8; 2:23.

• Opo tukale omapanga a Huku, tuna okulinga etyi etupopila. Otyo Ombimbiliya ipopia mu Eclesiastes 12:13, okuti: “Tila Huku, nokutavela ovitumino viae. Mokonda etyi, otyo ovanthu aveho vatungilwa.” — Bíblia na Linguagem de Hoje.

• Komutwe wandyila matuketyimona nawa etyi Huku etutungila tyina amamaneko ononkhumbi, iya avela omuenyo wahapu omapanga ae, vana vemufenda. — Salmo 37:10, 11.